Mij dáppe 1

Barggobiehke Åhttse Lågå tjoahkkájgessusav sijdon 54 ja vássteda. 1. Mij le stuorsebrudak? 2. Nammada gålmmå ájnas fáláldagá stuor- sebrudagás! 3. Nammada guokta vuorddemusá ma li sebrudagá oahppijroallaj? 4. Manen sjaddi rijdo ulmutjij gaskan? 5. Mij le givsedibme? 6. Gåk máhttá givsedibme vájkkudit ulmutjij lunna gudi dav li vásedam? 7. Nammada avtav vuogev gåktus givsedimev ganugahttet! Dahkke 1. Gatjádallam: Gatjádalá ulmutjijs gænna li ietja rålla gå dujna. Makkár sebrudakrålla li siján ja gåktus sij vásedi ja dåmadi ietjasa sebrudakrållajn? 2. Gávnadit ja dahkit juokkir vuosádusáv gånnådiján li iesjgænnánik rålla. Vuosedit dav iehtjádijda. 3. Låhkit rijka ávijsajt avtav vahkov. Mierkkijit makkár stuorsebrudagá rålla li nammaduv- vam ávijsajn dan váhko! 4. Sebrudagán álu båhtåsi rijdo ulmujij gas- kan. Givsedibme le stuorra váttesvuohta sebrudagán ja skåvlåjn. Digástallit gåktus máhttá gåhtsat ja ganugahttet givsedimev. Evtudit tjoavddusav mij máhttá ganugaht­ tet givsedimev dijá sebrudagán. 5. Moahtteoajvvelvuohta muhtem ássjijn le buorre gå mij dalloj bessap digástallat ja gullat ja oahppat ienebuv ássje birra. Dal- loj de mij álu gávnnap tjoavdusav rijdojda. Li gus dijá klássan ássje gånnå dij ehpi le avtan mielan? Digástallit ássjev jali ássjijt juohkusijn ja gæhttjalit gávnnat tjoavdusav / tjoavddusijt / rijdduj / rijdojda. 6. Gávnada, hábbmi ja sárgo gálbav gånnå tjuodtju tjáledum: GANUGAHTTIT GIVSE- DIMEV! Dabrri dav klássalanjá sæjnnáj mu- jtulvissan! Åtsådalle 1. Åtsådallit gut giehtadallá rutsijt/måldijt dijá suohkanin/gieldan. Hábbmijit gatjalvisáv, evtudit tjielggidusáv, dahkit plánav ja tja- dádit de åtsådallamav. Árvustallit gåktus hiehpá iehtjádijda åvddånbuktet dav majt lihpit gávnnam: Sárgosrájdo, gåvvårájdo, filma, ávijssa ár- tihkkala, biejvvegirje, giehttomij baktu jali ietjá láhkáj. 55