Mij dáppe 1

52 Gåktus ganugahttet givsedimev? Givsedibme dat le ållo boasstot. Muhte- ma soajtti gullat dáv: “Ij le dat dal imáj ahte sån givseduvvá, sån gænna li nav suohtas ládara.” Jus mij dale nav javllap, de lip mij doarjjomin suv gut givset jali sijajt gudi givsedi. Dån galga álu diededit jus ælvá ahte ná- gin givseduvvá. Jus i diededa, de le ham de dån iesj siegen givsedimen suv. Dån galga diededit æjgádijda, åhpadiddjida, rektorij jali ietjá ållessjattuk ulmutjijda skåvlån. Divna skåvlåjn li njuolgadusá majt div- na galggi tjuovvot. Ållo skåvlåjn li njuolgadusá gånnå tjielggiduvvá gåktus givsedimijt ganugahttet. Muhtema galg- gi sinna årrot gå le båddå, iehtjáda galg- gi tjállet sjiehtadusá vuolláj majt sij galg­ gi tjuovvot. Muhtema galggi tjuovvot æjgádijt ja åhpadiddjijt skåvlån. Gávn­ nuji da moattelágásj tjovddusa dási. Áj- nas le dat ahte ásadit njuolgadusájt dan birra gåk dujna mánná jus givseda nup- pijt. Dat aj le ájnas ahte skåvllå gæhttjá bærráj ja ásat buorre birrasav divnajda. Klássan gånnå divna li jasskada ja rád- natja ja aktak ij ålgoduvá man ge láhkáj, danna ij le givsedibme. Juohkka klássan gávnnuji oahppe gudi viggi iehtjádijt duolmmot vuolus, hárddet ja luojo- dit. Valla jus åhpadiddje ja ietjá oahppe e dibde dáhpaduvvat e ga guorrasa ja dåhkkida givsedimev, de givsedibme soajttá nåhkåt. Dij máhttebit ietja gaskanihtte såh- pat ahte dij ehpit sidá givsedimev dijá klássan. Mij vierttip ságastit klássan givsedime birra ja boahtet åvtå dádjadussaj ahte mij ep sidá givsedimijt mijá klássan. ållessjattuk ulmusj gut ij desste sjatta stuoráp birrasav dat le skåvllådil- le jali oahppamdille mij viertti årrot nåv buorre gåk máhttelis le ietja gaskanihtte juoga mij le oappij ietjasa gas- kan