Mij dáppe 1

44 Sån gut ájggu barggat ambulánsa vuoddjen, sån viertti hárjji- dallat ålov vaj diehtá gåktus hekkav bierggit jus dárbbo. Buohccebiilavuoddji Einar le ámbulánssavuoddje. Dakkár galggá liehket gárves vuoddját ja vuolgget vietjatjit ulmutjijt gudi garrasijt skihppám jali vuorbe- disvuodajda ládadallam. Ámbulánssavuod­ dje galggá gárvvunit sierralágásj biktasijda gå le bargon. Sujna aj galggá sierra bijlla gånnå le bájnno mij riek vuojnnu ja majt divna dieh- ti mij le. Rustiga bijla sinna galggi liehket ávk­ ken gå ulmutjijt galggá bierggit jus hæggavádá. Ámbulánssavuoddje de galggá diehtet ålov dassta gåk ulmutja hekkav bierggit. Sån galggá máhttet bijlav vuodjet ja doalvvot ulmutjijt skihppijviessuj nav ruvva gåk máhttelis. Jus le dárbbo, de sån viertti tsahkkidit bijla varro- dustjuovgajt ja várrodusjienav bidjat gullutjit vaj iehtjáda vuojnni ja gulli ja de vaddi sajev gæjnon vaj ámbulánssa bæssá vajusa gå boah­ tá vuoje. Juohkka suohkanin jali gieldan li ám- bulánsa ja ámbulánssavuoddje. Ámbulánssa­ vuoddje galggá liehket oahpes miehtáj ietjas suohkana/gielda ja diehtet divna bájkkenamájt vaj jåhtelijt máhttá diehtet gåsi galggá nav ruv­ va gåk máhttelis gå nágin skihppá jali juokkir vuorbedisvuohta dáhpaduvvá. Einar le ámbulánnsavuoddje jali ietjá bágujn skihppijbijllavuoddje. Ámbulánsa sinna li ållo dávvera ma dárbahuvvi jus skihppe hekkav hæhttu bierggit. Bijlan le tjuovggis ja tjielgga bájnno, tjuovga ja garra jiedna vaj ietja jåhtåliddje dádjadi mannat åvdås ja luojttet ámbulánsav vajusa vaj bæssá jåhtelijt vuodjet skihppijviessuj.