Mij dáppe 1

38 Suodjalus Vuona rijkan le suodjalus mij galggá suodjalit jus ietjá rijka jali vasjulattja ájtti validit guovlojt ma li Vuona rijka sisbielen. Suodjalus galggá gåhtset ahte Vuona rijka ja sáme álmmuk galggá máhttet jasska dilen årrot ja viessot. Dat le ájnas barggo ja dasi dárbahuvvi ållo ulmutja ja fievrro duola degu girdde, vantsa ja ietjá ábnnasa degu sierralágásj værjo , IT-ræjdo ja biktasa. Sij galggi ednagijt hárjjidallat ja årrot gárvvása doajmmagoahtet jus sjaddá dárbbo. Sij gudi suodjalusán barggi, siján máht- ti årrot moattelágásj rålla suodjalusán. Muhtema barggi málestiddjen, iehtjá- da vas degu váksjárin ja ietjáda sniktan jali soldáhttan. Stuorsebrudak vuorddá ahte suodjaliddje doajmmi ietjasa rållajn nav gåk njuolgadusá giehttu. værjo da li suodjalusá vædtsaga duola degu birsso, bájunehta, gieh- tagránáhta, bumbarhåjggådiddje, kánåvnå, doarrovåŋna, rákehta, doar- rogirdde, doarrohávsa ja vil uddnik. váksjárin váksjot, dat le tjuovvot ja árvustallat majt ulmutja doajmmi, ih- kap sij li nágin vásjulattja tjiegosbarg- ge mijá rijka sisbielen, gájkka váks- jot rievtes oajválattjaj dåjma ja ájggo- musáj milta. Mijá ájge vierttiji váks- jara sierraláhkáj gæhttjat bærráj ahte nágin amás lánda ij besa ládat Vuona rijka IT-dievnastusájt. Suodjaliddje hárjjidallamin.