Mij dáppe 1

35 Biehtár jåhtå Kárásjåhkåj Biehtár tjåhkkåj ietjas lanján ja usjudallá sån ruvvaláhkáj viertti dáv lanjáv guodet. Dáv lanjáv gånnå gahtsahi gåvå gånnå vuojnnu Manchester United ja man uvsav så moaddi le tjievtjastam dahppot gå áhttjes le álggám bielkket. Hæjkka ja Ájlij boahteba sisi. Hæjkka : Biehtár, mij le dunji sjaddam? Biehtár : Ná ... Hæjkka : Le gus dujna vájvve? Biehtár : Vádá ... Hæjkka : Gåktus nåv? Ájle : Mij le dáhpáduvvam? Biehtár : Ná, vierttiv jåhttåt. Ájle : Jåhttåt? Gåsi jåhttåt? Biehtár : Kárásjåhkåj. Hæjkka : Gåktus nåv? Biehtár : Ná, iedne barggo le jådeduvvam dåhku. Ja gå áhttje barggá Sámedikken, de hiehpá jåhtet Kárásjåhkåj. Ájle : Valla, sidá gus dån iesj jåhtet Kárás- jåhkåj? Biehtár : Iv de sidá! Såj dal æbá mujsta gat- jáda majt mån sidáv! Hæjkka : Kárásjågån le værálda fijnna vuo- jadimhálla! Ájle : Ja dåppen le aj tjerastallamdievva! Biehtár : Valla mujna ælla dåppen rádna! Hæjkka : Ij gus jáhke mij boahtep dåhku duv guossáj? Ájle : Ij ham bussa hárru bárep gå guokta tijmaKárásjåhkåj. Hæjkka : Ja dån má iesj máhtá diehki boah- tet muhttijn. Biehtár : Ná. Lev galla ussjolam dav. Valla huoman mån iv hálijda jåhttåt. Gå iv åvvå avtak dåbdå dåppen. Ájle : Mujna le dåppe vielljabielle. Ja sån le sæmmi vuoras gå mij. Biehtár : Tjuojggá gus sån? Ájle : Jus sån tjuojggá? Dån ham dåbdå suv! Kenneth sån gut manádij dáppe javllabálijt. Sån sehkanij dajda ILAR ásadusájda. Biehtár : Dåt tjuovggisvuoptak báhttja? Ájle : Dat val! Hæjkka : Mån aj mujtáv suv. Sån le vuojn- net buorre báhttja. Ájle : Sån le buorre. Dujna le ham vargga juo ráddna Kárásjågån!