Mij dáppe 1

34 Mij le stuorsebrudak? Divna gudi årru muhtem rijkan jali muhtem vijdes guov- lon, sij li ájrrasa stuorsebrudagán. Dajt mij gåhtjudip Vuo- na rijka sebrudak ja Sámelánda sebrudak. Stuorsebudagá ájrrasijn le juoga aktisasj. Sij viessu avta ja sæmmi guovlon jali rijkan ja siján li aktisasj njuolgadusá ma giehttu gåktus hiehpá dåmadit ietjádij siegen. Stuorsebrudak dahká dajt bargojt majt mij fámiljan jali lahkasebrudagán ep ájmmuda aktu doajmmat. Dakkár bargo li duola degu gæjnnojt dahkat, ulmutjijda varres- vuodav ja sihkarvuodav huksat. Rutsijt várajda válldet ja vuodoåhpav álmmugij fállat sige sámegiellaj ja dárogiellaj. Muhtem ulmutja jåhtåli ja årruji ietjá guovluojda Vuona rijkan jali Sámelándan. Stuorsebrudak galggá fállat sæmmi dievnastusájt lehkus gåsi sij jåhti ja årruji. Barggo rámbá dav gut le bargov dahkam.