Mij dáppe 1

18 Sebrudagá rålla Mij diehtep ahte teahteroavdástallen lij moadda rålla. Muhttijn le sån báhttja , ietjá bále le sån politija ja vas ietjá bále le sån ieddne. Sæmmi láhkáj le má duj- na aj. Dujna li moadda rålla sebrudagán. Dálla le dån oahppe, valla sijdan le dån mánná jali báhttja jali næjttso. Ietjá bále le då ráddna, mánájmánná jali næhpát. Muhtem rållajt mij ep máhte ietja tjuolldetallasimme. Dajda lip mij riegá- dam. Da li sjiervvebelak rålla ja tjærd- dalasj rålla. Dån le riegádam báhttja jali næjttso ja sábmen jali suobmelattjan jali árabarin. Ietjá rållajt dajt mij guodep ja muhtem rållajt mij oadtjop maŋenagi gå mij stuorrop. Dálla le dån ánj mánná, valla gå muhtem jage li mannam, dalloj le dån sjaddam nuorran. Muhtem rållajt mij válljip ietja. Ålles­ sjattugij rålla li álu dan milte makkár barggo jali virgge siján le. Snihkkár, jåht­tesábme, duodjár ja rámbuvdda­ bargge li dakkár rålla. Gå sij ælla bar- gon jali dåjman, de li siján ietjá rålla. Bargon máhttá ieddne liehket direktørra, valla asstoájgen le sån ieddne, iemet, gá­ lasjguojmme jali ietjá láhkáj aktanvies­ so , venak jali gåvvididdje. Sebrudak- rålla li ulmutjij aktan doajmmat sebru- dagán. gálasjguojmme nissun jali ålmåj guhti le válldum (nájttalam) aktanviesso ulmusj guhti nuppijn viessu aktan ietjá láhkáj gå gálasjguojmme Gåvvididdje. teahteroavdástallen ulmusj mij vuosádallá / dahkadallá muhtem rållajt teahterin báhttja bárnne næjttso niejdda