Mij dáppe 1

112 Gåktus fylkaj barggat Dán oasen mij galggap barggat fylkaj. Åvddåbarggon máhtta dat liehet ávkke tjadádit barggobiehkijt ma li nuppe sij- don. Mij oahppap gånnå fylka li luondon, daj stuorrudagáv, stuorra hámijt, enudagáj birra ja makkár ressursa li dåppen. Duodden låhkåp mij ulmutjij ja sebru- dagá birra. Man ållo ulmutja ja gånnå sij årru fylkan, æládusáj birra ja jåhtulagáj birra ja kultuvra birra. Luondulasj gatjáldagá LUONDO birra máhtti liehket dá • Gånnå rijkan le fylkka? • Man stuorak le fylkka? • Le gus merragátte vaj sisednama? • Gånnå gávnnap várijt ja jávrijt? • Ma dåppe sjaddi? • Makkár enudagá li fylkan? Luondulasj gatjáldagá ULMUTJIJ ja SEBRUDAGÁ birra máhtti lieh- ket dá • Makkár æládusá gávnnuji dåppe? • Makkár bargo li ulmutjijn dåppe? • Man ållo ulmutja årru dåppe? • Gånnå årru da ulmutja? • Majt lijkkuji ulmutja/turista dåppen gæhttjat ? enudagáj enudagá li gåktus ednam le, duola degu váre, jávre, jiekke, jågå, liege, vuona, ávtje, giette, sláddjoednama, jalga, vuovde, miehtse, duoddar, gærggás ednam ressursa juoga masta máhttá ulmutjij lieh- ket ávkke, duola degu guolle, minerála, ul- ljo, muora æládusáj æládus le mij dagáduvvá vaj barggo ja viessom dassta sjaddá ulmutjijda jåhtulagáj jåhtulagá li gåktus máhttá jåhtet, duola degu gæjnno, færjjo, ruovddegæjnno, jåhkå, bálges merragátte merragádde le da bájke ma li lahkusin mera gæhttjat gæhttjat le manádit dåppen gånnå juokkir suohtas jali sierralágásj le vuojnnet ja ihkap vil juosik sehkanit