Mij dáppe 1

11 Dålusj sáme sijdan vierttijin ulmutja barggat aktan vaj bierggijin. Gåktus sjaddi sebrudagá? Álgo rájes li ulmutja tjåhkanam dan diehti gå sij vierttijin aktan barggat gå galggin bivddet stuorra viessogijt ma lidjin miehtsen jali stuorra viessogijt ma lidjin meran. Dajna vuogijn de sij bierggijin ietjasa. Maŋenagi sij årrujin sæmmi bájkijda ja viessogåhtin bájkkálakkoj aktan, nåv mælggadijt ahte sjaddin sebrudagá. Sebrudagán de sij barggin majt sij dåbddin ahte sij máhttin ja galggin barggat. Ja de ham de sjattaj aktisasjvuohta sijá gaskan gudi lidjin gávnadam. Aktisasjvuohta dat merkaj ahte sij dåbddi sebrulasjvuodav muhtem juohkusij. Muhtem ulmutja sij soajtti guodet ietjasa juohkusav ja jåhtet ietjá bájkijda. Ja de vas båhtali ietjá ulmutja ja årruji dan juohkusij majt då li guodám. Juohkusa rievddi ja ietjájduvvi, valla sijáj aktisasjvuoda da bissu. Sebrudagá da sjaddi gå ulmutja årruji ja barggagåhti aktan gå galggi dahkat stuorra bargojt majt ulmusj aktu ij lim máhttet dahkat.