Mo suidnet – ČálliidLágádus – Digitála oahpponeavvut

Luonddufága 5.-7. ceahkkái

Suidnen

Sámit ásset buolaš guovlluin. Sii leat danne áiggiid čađa hutkan mo birget ja ceavzit buolaš guovlluin. Suidnen lea okta dakkár árbevirolaš máhttu mii lea ceavzán ja čuvvon buolvvaid. Sii fuomášedje ahte luktášattuiguin heive ráhkadit gámavuođuide liegga suoji

Dalle ferte diehtit gos dakkár luktášattuid gávdná. Das lea čuvgesruoná ivdni ja šaddá njuoskkadasain. Dain lea bastilis ravddat. Dasto ferte daid čuohppat niibbiin dahje sirppiin. Dat ferte dahkkot čakčagease go suoidni lea guhkki.

Álggos ferte suinniid juohkit ja čatnat muttágis gihppun. Dasto máhcastaddat ja dipmadit gihpu. Dát álkida viidáset suidnen.

Go gihppu lea dimis, de galgá suoidnebohcciid cábmit šluppohiin dahje ákšonađain vai vel eambbo dipmet.

Loahpas ferte vel cábmit spihkárfiellus nu ahte suoidnebohccit suorranit ja buot sákta suoidnebohccis golgá olggos.

Go suoidnegihpuid lea cábmán guhká ja buot sákta lea golgan olggos, de lea áigi heŋget gihpuid áidestoalppuid ala goikat ovdal go váldá daid sisa.

Go suoinnit leat goikan, de sáhttá gápmagiid suidnet. Dalle bissut juolggit sihke goikkisin ja liekkasin buolaš dálvviid. Goikan gámasuinniid sáhttá vurket báberseahkaid sisa miehtá dálvvi.

TjaelijiBerteme – TjállijAlmmudahka – ForfatternesForlag – AuthorsPublisher

Kárášjohka
Fitnodatgeaidnu 13
9730 Kárášjohka

Fanasgieddi
Báktegeaidnu 14
9845 Deatnu

Digitála oahpponeavvuid doaimmaheaddji
digitala@lagadus.no

Doaimmahus
poasta@lagadus.no