ČálliidLágádusa birra CL-Sámi academica Girjjálašvuođaguovddáš Oktavuohta


Searvva LOAKTIN-ovttas bagadanboddui!
Goalmmát deaivvadeapmi

LOAKTIN-ovttas bagadanboddu
 
Vuosttaš deaivvadeapmi:
21.09.21. Lea čađahuvvon

Intro: Oahpahusláhka ja ML20S oahpahusbirrasa ja mobbema/ givssideami olis.
Tore Petterson (Skal vi danse - duopmár) logaldallá "Det er engave å være annerledes”

Nubbi deaivvadeapmi
28.09.21. Lea čađahuvvon 

Mat leat dovddut. Manne daid lea dehálaš duođas váldit. Maid dat mearkkašit oahppamii. 

Goalmmát deaivvadeapmi:
05.10.21. Lea čađahuvvon 

Defineret ja čilget mii mobben/givssideapmi ja loavkideapmi lea. Oahppit ja oahpaheaddjit galget diehtit mii dat lea ja mo dat čájehuvvo, ja daid váikkuhusaid.

Njeallját deaivvadeapmi:
12.10.21 tii 14:30-15:30

Ásahit jahkeplána mii sihkkarastá ahte mobben/givssideapmi ja dan eastadeapmi šaddá fáddán dávjá ja miehtá skuvlajagi. Dán láhkai hukset ja oppa áigge bargat buoridit oahppobirrasa vai mobbeneastadeapmi šaddá lunddolaš oassin skuvlaárgabeaivvis. Skuvlla rutiinnat fuomášit ja eastadit mobbema ja loavkideami.

Viđát deaivvadeapmi
19.10.21 tii 14:30-15:30

Oahppat ja hárjehallat čielga bissehanstrategiija. Oahpaheaddjit galget diehtit mo bissehit mobbema/givssideami ja čuovvut bissehanstrategiija čuoggás čuoggái go mobben/ givssideapmi fuomášuvvo. Čujuhit oahpahusláhkii. Erling Roland, Læringsmiljøsenteret UiS.

Sáhtat maiddái dieđihit iežat oasseváldin ms@lagadus.no epoasta čujuhussii


 

www.calliidlagadus.org/loaktin

 
LOAKTIN-ovttas lea oahpponeavvu mii láidesta skuvllaid systemáhtalaččat bargagoahtit mobbeneastadanbargguiguin. Oahpponeavvu lea čállon davvisámegillii, ja jurddašuvvon skuvllaide main lea bajit dásiin davvisámegiella oahpahusgiellan.  

LOAKTIN-ovttas lea huksejuvvon viđa prinsihpa mielde: 
  • Hukset nana ja lagas relašuvnna/oktavuođa ohppiide
  • Nollatoleránsa
  • Diehtit mii loavkideapmi ja mobben lea
  • Dávjá loktet mobbenfáttá oahpahusas
  • Máhttit čielga bissehanstrategiija 
Skuvlla lea lága bokte geatnegahtton sihkkarastit ahte buot ohppiin lea dorvvolaš ja buorre psykososiála oahppobiras. §9 A-4. 

Dutkan čájeha ahte skuvlavuođut mobbeneastadanbarggut, nappo dakkár mobbeneastadanbarggut maid skuvllat ieža hábmejit ja heivejit sin kultuvrii, mat leat dynámalaččat, ja mat fátmmastit sihke ohppiid, oahpaheddjiid, jođihangotti ja váhnemiid,  leat beaktilepmosat.  

Mii fállat skuvllaide vihtta bagadanbottu mas mii láidestit ja veahkehit din rievdadišgoahtit ja systematiseret skuvlla rutiinnaid fuomášit, bissehit ja eastadit mobbema din skuvllas. Fálaldat lea neahttavuođut, dat mearkkaša ahte láidesteapmi čađahuvvo neahta bokte.  



Prográmma pdf-hámis

 

 


Ođasmahttán 11.10.2021
Almmuhan: Mihkku Solbakk