ČálliidLágádusa birra CL-Sámi academica Girjjálašvuođaguovddáš Oktavuohta

Erenoamáš girjealmmuheapmi Deanus
 
Torepettersen
Searvva mobbenstadanbargguide Tore Petterson:in
 

Geassebingo
 


Luonddunamahusat girji ilbman

ČálliidLágádusa doaimmaheaddji Svein Nordsletta ja giellabagadalli Hans Petter Boyne leaba čállán Luonddunamasat.

Čálliidlágádusa Luonddunamahusat girje lea dál ilbman. Čálli guovttos  Svein Nordsletta ja Hans Petter Boyne muitaleaba namahusat leat jávkamin gielas ja danin lea dehálaš dáid dokumenteret girjin. 

 
 
- Dáinna girjjiin lea munnos doaivva ealáskahttit luonddunamahusaid beaivválaš sámegiela geavaheamis, ja soaitá erenoamážit go mehciin jođaša. Girjái leat čohkkejuvvon luonddunamahusat eanaš siseatnamis Sámis, muhto leat maiddái váldon mielde dábáleamos namahusat riddoguovlluin.
Lea dieđusge nu ahte sáhttet leat namahusat main leat báikkálaš sierranas áddejumit, ja moai letne dakkár erohusaid merkestallan guđe guvlui gullet.
- Loahpas sávve girjji šaddat gelddolaš gaskaoapmin movttáskahttit olbmuid fas geavahišgoahtit luonddunamahusaid mat leat jávkamin, lohkaba girječálli guovttos.

Luonddunamahusat addet čielga gova das man láhkai luondu lea. Dađibahát lea namahusat olles leavttos dál jávkamin. 
- Maiddái sii geat ollu johtet luonddus eai šat dovdda buot dáid namahusaid luonddus. Girji lea  maid hui dehálaš gáldu boahtevaš boalvvaide, muittoheaba čálliidguovttos.

Luonddunamahusat lea čállon guovttegillii, sámegilli ja dárogillii.

Sámi fágagirjjálašvuođa searvi lea dorjon giehtačállosa barggu ja ČálliidLágádus lea vuoruhan girjji deaddileami Sámedikki doarjjaruđadin.


 
Čállán ja govven: Amund Johnskareng


Almmuhan: 30.04.2021
Almmuhan: Mihkku Solbakk