ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 
CalliidLagadus
Frankfurter Buchmesse - Máilmmi stuorámus girjemeassut.
 

Luonddunamahusat šaddet girjin
 


Biergogáhkut, luođit ja divttat

Frankfurttas Norga fáluha biergogáhkuid, luđiid ja divttaid, čálii Aftenposten journalista Norgga oassálastima birra. Ii go son journalista liikon dasa go dalá maŋŋá go "guosseriikka” Norgga kulturministtar Skei Grande lei rahpan Norgga oassálastima dán jagi girjeriemuin,  de lávkejedje lávdái sámi dáiddárat luđiiguin ja sámi divttaiguin, prográmma man professor Harald Gaski jođihii njuovžilit eŋgelasgillii.
 
De ledje luođit ja divttat almmolaš kulturprográmmas, muhto dieđusge dušše unna oasᚠNorgga kulturprográmmas. Dasa ferte gal lasihastit: imašlaš stuorra beroštumi han vel ožžo sámi juoigit ja diktačállit go sii moddii beaivái ledje oktasaš lávddis.
 
Sámi lágádusaid oassálastin Frankfurtta girjeriemuin lei áibba eará go lávddis fállat kultuvrra. Sii han ledje girjeriemuin fáluheamen máilbmái sámi girjjálašvuođa. In eahpit ahte dat gal lea ollu váddáseappot go rohttet luođi. Muhto, sámi dáidda ja kultuvra sáhttá leat dehálaš veahkkin dása. Mun dajašin odne nu ahte jos oktage sámi lágádus dál lihkostuvvá ovttain girjjiin, oažžu oasti ovtta girjái, de leat beanta lihkostuvvan. Dan ᚚis mun in dieđe vuos maidige muitalit. Dieđan gal dan ahte ČálliidLágádus gal maiddái lei oastimin vuoigatvuođaid almmuhit sámegillii girjjiid mat leat ilbman olggobealde Sámi. Dieđán vel dan ahte ČálliidLágádusa ovddasteaddjit Frankfurttas viššalit deaivvadedje olu olgoriikka lágádusain. Dán doaimma ovddas ánssášeaba Heidi ja Britt stuorra rámi. Bohtosiid birra mii eat vuos čále.


Juoigit ja diktačállit lávddis.
 

Britt digaštallamin uŋgaralaš oahpponeavvolágádusain, 
dáidet sis leat teknologalaš čovdosat mat heivejit midjiide.



Heidi lonuhallamin jurdagiid italialaš mánáidgirjelágádusain, 
dás jo osttii Valentina Rizzis vuoigatvuođaid almmuhit italialaš 
mánáidgirjji sámegillii.

 

Britt oahpaheamen tuiska ARD tv-geahččiide sámegiela ja dárogiela.
 
JT-teaksta.
Britt ja Heidi govat.


Ođasmahttán 05.11.2019
Almmuhan: Mihkku Solbakk