ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

ÁMMUN CD: ”Jođus ain” ilbmá
 

Girješavga Guovdageainnus
 

Biergogáhkut, luođit ja divttat
 


Vuonnamárkanat lihkostuvve



BEROŠTUPMI: Lea ain stuorra beroštupmi dábálaš girjjiide, váikko vel neahttagirjjit leat joavdan  girjemáilbmái. Govas: ČálliLágádusa doaimmaheaddji, historihkkár ja buot diehtti Aage Solbakk čilgemin, ja girjjálašvuođaguovddáža Ragnild Varsi fas vuovdimin.
 
 
Girjjálašvuođaguovddáža girje gávpi lihkostuvai  bures Vuonnamárkaniin  borgemánu 31. b. Vuonnabađas. II leat  gávpi vuovdán ná bures girjjiid ja eará gálvvuid . 

Vuonnamárkanat Unjárggas lea šaddan bivnnuheames márkanat olles Sámis. Dat mii lea erenoamáš dáinna márkaniin lea ahte eai oaččo vuovdit fabrihka ráhkadan gálvvuid. Baicce besset olbmot vásihit ja oastit  árbevirolaš giehtadujiid, borramušaid ja sátneduoji, e.e. girjjiid.
 
Ain lea stuorra  beroštupmi girjjiide
Maŋimuš jagiid lea maid Girjjálašvuođaguovddáš girjegávpi searvan márkaniidda. Dat mii movttiidahttá lea ahte beroštupmi lassána oastit  dábálaš girjjiid, nu čájehit girjegávppi maŋimuš jagiid vuovdinlogut.
 


Movtta:  Anna Melkeråen  lei movtta go viimmat beasai oastit ođđasit jorgaluvvon sámegielat biibbala.
 


Vuovdi ja diehtojuohkki: Girjjiid diehtojuohkki ja njálbmečuožži Aage Solbakk ja girjjálašvuođaguovddáža gávppi jođiheaddji Ragnild Varsi  leigga hirbmat duhtavaččat márkaniin.

 
Teaksta ja govat: Amund Johnskareng


Almmuhan: 03.09.2019
Almmuhan: Mihkku Solbakk