ČállidLágádus almmuhii govvagirjji Álbmot guovssahasa vuolde guovvamánu 5.b. Guovdageainnus. Per Ivar Somby lea ivdnen dánskala guovssahasduktii Sohpus Tromholt dolo govaid.
Per Ivar Somby muitalii Álbmot guovssahasa attai girjin.
Per Ivar muitalii almmuheami dilálavuođas Guovdageainnus ahte bođii millii ivdnegoahtit dologovaid maŋŋá go neahtas lei oaidnán ovdde USA Presideantta Abraham Lincoln ivdnen gova.
Min ruovttus Álttás maid ledje dolo govat, ee. máttarádjás ja eará dolo govat bearrais. Álgen veaháiid mielde ivdnet dáid govaid. Fuomáin jođánit govat ealligohte eará láhkai. Olbmot govain bohte lagabui, muitalii Per Ivar Somby.
Válljen buoremus govaid. Per Ivar fuomáii guovssahas dutki Tromholt govaid. Son lei Guovdageainnus jagiid 1882 1883. Go ii sáhttán guovssahasa govvet, de gávnnai dutki eará gelddola motiivvaid. Dáid govain lea Somby válljen buoremusaid ja ivdnen dáid. Govat leat dan mađe erenoamáat ahte lea leat beassan UNESCO Máilmmi kulturárbbi registerii.
Rabai almmuheami
Guovdageainnu sátnejođiheaddji, Johan Vasara, rabai buresboahtin sávaldagain girjealmmuheami. Lea Vasara guhte lea čállán ovdasáni girjái. Son lei rámis girjjis ja giittii Somby buori barggu ovddas.
Guovdageainnu sátnejođiheaddji, Johan Vasara, rabai buresboahtin sávaldagain girjealmmuheami.
Girji Álbmot guovssahasa vuolde maid almmuhuvvui ođđasit guovvamánu 6.b. Sámeálbmot beaivve Álttá girjerádjosis. Guovvamánu 9. b. fas Tromssa girjerádjosis.
Nuppelot olbmo ledje boahtán girje almmuheapmái Guovdageaidnui.
Olbmot oste áŋgirit girjjiid. Govas ee. Isak Turi, Nils Johan Heatta, Mai Britt Utsi ja Anne Gro Gaup. Govven: Marti Mikkeldatter Eira Murud.
Girječálli Per Ivar Somby signerii girjji ja ČálliidLágádusa Amund Johnskareng fas vuvddiid girjjiid. Govven: Marti Mikkeldatter Eira Murud.
Ođasmahttán 08.02.2019
Almmuhan: Mihkku Solbakk
|
