Gudnejahtii girječálli iežas luđiin ”Báhkki – njunni”.
Arne Ola Grimstad girji ” Min samiske veg” almmuheapmi Beassážiid áigge lihkostuvai sihke Kárášjogas ja Guovdageainnus. Girječálli dovddahii giitevašvuođa go ČállliidLágádus lea almmuhan su girjji.
Ovddeš Sámi álbmot allaskuvla (DSF:a) ja Láhkavuona skuvlla oahpaheaddji Arne Ola Grimstad lea girjjistis čállán vásáhusaid birra Sámis 1967 rájes gitta álgu 1980 jagiid rádjái. Son gohčodage girjjis sámi "manifeastan”(juolggáštus)
Rist nieida gorron gávtti
Grimstad muitala ee. girjjistis mo son álggus oahpásmuvai boazosápmelaš Buljo bearrašiin Láhkovuona`bađas. Mealgat oassi Buljo bearrašis ledje boahtán
girjealmmuheapmái Guovdageidnui. Girječálli ja su eamida Margot rist` nieida Inga Gunhild Buljo Kemi lei gorron gávtti sudnuide girjedilálašvuođa oktavuhtii. Guktot leigga rámis go beasaiga sámi gávttiin čiŋadit.
Rist` nieida Inga Gunhild Buljo Kemi (olgeš) lea gorron gávtti skeaŋkan Arne Ola:i ja su eamidii Margotii.
Ráhkadan luođi girječállái
Grimstad anii maid stuorra gudnin go Ánte Mihkkal Gaup rohttehii girječálli iežas luođi "Báhkki –njunni ". Juoigi lei luođi ráhkadan go lei leamašan guossin Ørstadas Sunn-Møres moanaid jagiid dás ovdal.
Ánte Mihkkal Gaup lea ráhkadan luođi ”Báhkke- njunni” Arne Ola Grimstad:ii.
Girjealmmuheamis Guovdageainnus rohttehii Gaup luođi ja dáinna vugiin son gudnejahtii girječálli.
Ovddeš oahppi jođihii ságastallama
ČálliidLágádusa doaimmaheaddji Magne Ove Varsi jođihii njuovžilit ja vuohkkasit girje ságastallama sihke Kárášjogas ja Guovdageainnus. Varsi guhte ieš lei leamašan Grimstad oahppin DSF:as muittašeigga humoristtalaččat ja duođalaččat dáhpáhusaid skuvlla áiggis ja muđui Kárášjoga birrasis.
Magne Ove Varsi jođihii vuohkkasit ja humoristtalaččat girje ságastallama Kárášjogas (govva) ja Guovdageainnus.
Oahppit šaddan beakkálmasan
Girjjis maid čállá Grimstad ovddeš DSF:a ohppiid birra Nils Gaup ja Mari Boine. Guktot leaba maŋit áigges šaddan máilmmi beakkánin.
Badjelaš 50 olbmo ledje boahtán goabbatge almmuheapmái.
Kárášjogas beasai girječálli ja su eamit Margot dearvvahit ovddeš DSF:a oahppi ja máilmmi beakkálmasa Mari Boine.
Girječálli šattai mealgat ollu signeret girjjis, sihke Guovdageainnus (govva) ja Kárášjogas.
Mealgat ollu olbmot ledje boahtán girjealmmuheapmái Kárášjohkii (govva) ja Guovdageidnui.
Čállán ja govven: Amund Johnskareng
Ođasmahttán 03.04.2018
Almmuhan: Mihkku Solbakk
|
