ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

Eanemus vuvdon girjjiid deaddilat ođđasit
 

Giellaseminára mas dalán ávki!
 

ÁMMUN CD ”Jođus ain” ilbman
 


Dáiddačájáhus ovddeš dáloniin

Nigá Jovnna Ámmuna, Amund J. Anti dáiddačájáhus ”Dálonat ovddešáiggis” ráhppui maŋŋebárgga juovlamánu 5. b. dáiddaguovddážis Kárášjogas. 
 

Kárášjoga dáiddaskuvlla rektor Eva Aira (olgeš) rabai Nigá Jovnna Ammuna (gurot) dáiddačájáhusa.

Ámmun dahje "Dennis” lea dáinna čájáhusain govven ovddešáigge dáloniid bargguid. Oktiibuot 29 sárgosa lea dán čájáhusas ja dáid govaid sáhttá oastit.

Lei Kárášjoga dáiddaskuvlla rektor Eva Aira guhte rabai čájáhusa. Aira rámiidii ovddeš dáiddaskuvlla oahppi barggu, ja logai Ámmuna ovdánan mealgat dáiddanis.
Piera Balto gudnejahtii dáidára luđiin. Dan seamma dagai Jan Even Tretnes. Son rohttehii Nigá Jovnna, dáidára áhči luođi.

Mealgat olbmot ledje boahtán ruovdi buollašis geahččat ja návddašit dán erenoamáš dáidaga maŋŋebárgga eahkeda girjjálašvuođaguovddážii.
Čájáhus lea rabas gitta ođđajagimánu 12. b.  2018 rádjái.

 
Piera Balto gudnejahtii luđiin dáidára.

 
Birrasii nuppelot` olbmo ledje boahttán dáiddačájáhussii, váikko lei ruovdibuolaš olgun.
 
Amund Johnskareng govven ja čállán


Almmuhan: 06.12.2017
Almmuhan: Mihkku Solbakk