ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

Sámegiella ráhkesvuođa giella
 
Ablemagic ja Lagadus
Sámis áiggis áigái jođus
 

Lihkku beaivái!
Læhkoeh biejjine!
Vuorbbe biejvijn!

 


London girjeriemuin vuosttas beaivve

14.3. lei 2017 London Book Fair vuosttas beaivi. 1400 fáluheaddji seamma goavddi vuolde. Eai ge dušše girjjid fála, muhto dattge buot dakkáriid mat gullet girjjálašvuhtii.

Lei miellagiddevaš oaidnit man ollu olbmot iđđes juo boahtigohte girjeriemuide, ráidun vuordimin beassat sisa. Ii ge dárbbašan jearrat manne deikke bohtet. Girjjálašvuođa berošteaddjit leat dieđusge sáhkkii, oaidnit mat ođđa almmuheamit livčče boahtimin dán jagi. Dan doaivaga ektui gal dáidet behtohallat, go lágádusat leat vuosttamužžan fáluheamen iežaset girjjiid eará riikkaid lágádusaide.

Dáppe lea Kiinná stuoris, muhtin arabalaš fáluheaddjit ja ruošša, muhto eai vuosttas iđit oidnon nu olu "guossit” geaidda fáluhit. Muhto lei šurra stuorra ja beakkán brihttálaš amerihkálaš lágádusaid luhtte. Bloomsberrys ledje goit 30 doaimamheaddji jo soabadallamin vuoigatvuođaid. Sii leat ge Harry Potter girjjiid lágideaddjit. ČálliidLágádus gal ii vuos fitnan oastaleamen Harry Potter sámi vuoigatvuoađid.

 

Polen lea dán vuoro guovddáš riika, ja galggašii nu oažžut stuorát beroštumi. Dán birra mii muitalat maŋŋá. Vusotta beaivve heive geažidit maid ČálliidLágádus goit doaivu gávdnat ollu girjjiid siste, omd. muhtin somáš ja buriid amasgielat mánáidgirjjiid, ja miellagiddevaš nuoraidrománaid.



Ođasmahttán 27.03.2017
Almmuhan: Jovnna Solbakk