London Book Fair lea jahkásaš doalut, ulbmiliin čájehit mii dáhpáhuvvá girjjálašvuođa máilmmis goasttideaddjiid bealis. Lágádusat geavahit dákkár doaluid ee. danin ahte vuovdit ja oastit almmuhanvuoigatvuođaid. Ja dieđusge leat dán oktavuođas buorit vejolašvuođat oahpásmuvvat iešguđet riikkaid goasttideaddjiiguin.

ČálliidLágádus lea mielde Davviriikkaid oktasaš "standas” Den norske forleggerforening bokte, mas ČálliidLágádus lea miellahttun. Mii leat ožžon saji 6 girjái dán vuoro. Dáiguin mii galgat iskat beroštumi sámi girjjálašvuhtii. Girjjit maid čájehat leat Siri Broch Johansen Mun lean čuoigi, Sissel Horndal Silbamánnu, Susanne Hætta Utsi, veien ut av det kriminielle livet, Ingjerd Tjelle Sterke krefter, Máret Sárá ja Nina Afanasjeva Sámit Ruoššas - Samer i Russland ja Siri Broch Johansen Elsa Laula Rendberg, historien om samefolkets store Minerva.

http://www.londonbookfair.co.uk