Sámit Ruoššas – Samer i Russland 1917-2017
Almmuhuvvo 9.2. dii 18.00. Troandimis, Scandic Lerkendal

Sámit Ruoššas – Samer i Russland 1917-2017 lea erenoamáš girjji namma mii lea okta min lágádusa ollu fálaldagain vuosttas riikkačoahkkima 100-jagi ávvudeapmái 2017.

Mii unnán diehtit Guoládat-sápmelaččaid eallimis maŋemuš čuohte jagi. Maŋŋá Davviriikkaid sápmelaččaid vuosttas riikkačoahkkima Troandimis 1917, geavaid Ruoššas revolušuvdna, giddejedje rájáid, ii ge lean vejolaš joatkit lunddolaš oktavuođaiguin. Girji álgá ge lihkolaš ja hávskkes, muhto dattege dramáhtalaš fotogovain mii čájeha guokte sámi nissona geat deaivvadeaba Lujávrris 1990is. Valentina Julina buresboahtin sávaldat Káre Sombyi muitala buot: "Oabbá, mun lean vuordán du 50 jagi. Buresboahtin mu lusa Lujávrái!”

Historjá ja govat dán girjjis muitalit osiid sámi historjjás maid mii Davviriikkain eat dovdda. Govat čájehit  Guoládat-sápmelaččaid  eallimis  maŋemuš čuohte jagi, áigodat man sáhttá juohkit ná: ovdal ja maŋŋá Stalin hirbmaváldi, galbma soahti, ja loahpas áigi maŋŋá perestrojka, ja rájá rahpan sápmelaš vieljaid ja oappáid guvlui Davviriikkain. Vaikke vel surgadis historjá mas deporttašuvnnat, olbmogoddimat ja bággofárreheamit, de govat maiddái muitalit álbmoga birra mas lea duostilvuohta ja eallinmokta seailut sápmelažžan.

Čálli: Máret Sárá
Govvadoaim.: Nina Afanasjeva
Hábmejeaddji: Elle Porsanger

154 s. Innb. 295,-    
ISBN 978-82-8263-198-3
 
Oktavuođat:
Čálli: Máret Sárá, maretsara@gmail.com, mob.: 482 12 410
Lágádus: John T Solbakk, jts@lagadus.org, mob.: 915 90 606


Ođasmahttán 31.01.2017
Almmuhan: Mihkku Solbakk