ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Biro bálvaleaddjit vai olbmuid buorideaddjit?
 

Dološ govat ožžon ođđa fuomášumi
 

Girjealmmuheapmi Guovdageainnus
 


Sámi sátnevádjasat japánagillii


Kaori Takamine lea jorgalan ja heivehan Sámi sátnevádjasiid Jođi lea buoret go oru dárogielat ja eŋgalasgielat girjjiid vuođul japánagillii.


Japánalaš Kurage Kohji Ohhashi, gii ieš hállá sámegiela, muitalii mii sáhttá dáhpáhuvvat go japánalaš lohkki deaivvada sámi sátnevádjasiiguin

Sámi sátnevájas-girji  Jođi lea buoret go oru lea dál jorgaluvvon maiddái japánagillii. Almmuhandoalut ledje Girjjálašvuođaguovddážis Kárášjogas juovlamánu 1.b.

Kaori  Takamine lea jorgalan Sámi sátnevájas-girjji Jođi lea buoret go oru dárogielat Tiden er et skip som ikke kaster anker, ja eŋgalasgielat Time is a Ship That Never Casts Anchor vuođul japánagillii. Kaori gii hállá dárogiela ja ássá Tromssas, muitalii almmuheami oktavuođas makkár erenoamᚠhástalusat sus ledje go jorgalii ja heivehii sámi sátnevádjasiid japánagillii. Son logai ahte lea buorre muddui seamma sullasaš sisdoallu muhtin sátnevádjasiin Japána kultuvrras, ja dan vuođul sáhtii maid heivehit sátnevádjasiid. Eará sámi sátnevádjasiin lea fas sisdoallu ja oaivil aibba nuppi láhkai go japána gielas ja kultuvrras. Goit ferte jorgalettiin čállit sámi sátnevádjasa ođđa gilii nu mo lea sámegillii. Nu fuobmá dan giela lohkki omd. mo sámi kultuvra earrána su kulutvrras.

Japánalaš Kurage Kohji Ohhashi ges čilgii ja muitalii mii sáhttá dáhpáhuvvat go japánalaš lohkki deaivvada sámi sátnevádjasiiguin. Kurage hállá ieš sámegiela ja lohká dál sámegiela Sámi allaskuvllas Guovdageainnus. Sus lei oanhis, muhto miellagiddevaš japána giellaoahppoboddu. Čájehii ee. Mo japana čállinvugiin dárkilit sáhtát omd. čájehit sámegiela jienádagaid. Das badjánii ge jearaldat ahte galggašii go ČálliidLágádus ovttas Kuragein fállat japánakurssa Kárášjogas.

ČálliidLágádusa  márkanjođiheaddji Jovnna Guttorm Solbakk jođii almmuheami, ja duogáža dasa manne dál sámi sátnevádjasat japánagillii. Váldu fástádus dasa lei dat go vuos dál galgá Jođi lea buotet go oru girji eambbo gielaide, ja vuos ovtta asia-gillii, de orui lunddoalš álgit Japánai. Dáidá fargga ilbmait maiddái kiinnágillii. Muhto ovdal dan, de galgá ilbmat franskagillii, espánjagillii ja nederlándagillii.


ČálliidLágádusa  doaimmaheaddji ja márkanjođiheaddji Jovnna Guttorm Solbakk čilgii almmuheami oktavuođas manne dál japánagillii sámi sátnevádjasat.


Kaori Takamine gárvvistii veahkkin Sushi á la Sápmi, mii  guossuhuvvui almmuheami oktavuođas.

Ođasmahttán 13.12.2016
Almmuhan: Mihkku Solbakk