Dáppe vieččat Onneponne spilla/app:a
ČálliidLágádus doaimmaheaddji Amund Johnskareng čájehii mánáide mo ođđa App OnnePonne smávvamánáide doaibmá. Govven: Svein Nordsletta.
Mánáidgárdde mánát Kárášjogas illudedje issorasat ČálliidLágádusa doaimmaheaddji Liv Tone Boine máidnasiidda. Govven: Svein Nordsletta.
ČálliidLágádus almmuhii smávvamánáid App:a OnnePonne girjjálašvuođaguovddážis Kárášjogas gieskat.
Mánáidgárdemánát Kárášjogas illudedje ja ledje aktiivvalaččat mielde OnnePonne smávvamánáid App:a almmuheamis Girjjálašvuođaguovddážis.
App:a lea golmma gillii, davvi, julev ja máttasámegillii. Dán Appa leaba girječálli Cecilie Lanes ja sárgu Ilze Dambe hutkan. Dát App:a gávdno sihke App Store:s ja Google Play:as ja doaibmá sihke mátketelefuvnnain ja lohkanbreahtain.
Almmuheami oktavuođas doalai ČálliidLágádusa ođđa doaimmaheaddji Liv Tone Boine mánáidbottu. Čuojaheaddji lei ČálliidLágádusa doaimmaheaddji Amund Johnskareng.
Skábmamánu 23.b. čájeha ČálliidLágádus OnnePonne App:a Nuortamielli mánáidgárddis Guovdageainnus. Dán oktavuođas doallá Irene Länsman mánáidbottu.
ČálliidLágádusa doaimmaheaddji Amund Johnskareng čájehii OnnePonne App Nuortamielli mánáidgárddi mánáide Guovdageainnus. Govven: Håkon Hansen.
OnnePonne App čájehuvvui Nuortamielli mánáidgárddis. Dan oktavuođas doalai Irene Länsman mánáidbottu. Govven: Håkon Hansen.
Nuortamielli
mánáidgárddi mánát čuvvo dárkilit mielde go Irene Länsman čájehii
máidnasa muohtaáddjá birra. Govven: Håkon Hansen.
Čállán: Amund Johnskareng
Dáppe vieččat Onneponne App:a
Ođasmahttán 25.11.2016 Almmuhan: Mihkku Solbakk
|