Buot Matti Aikio girjjit jorgaluvvon eaŋgalasgillii.
Viimmat Matti Aikio girjjit stuorát máilbmái. Profeassor John Weinstock Austin universitehtas, Texasis lea jorgalan buot su girjjiid eŋgelasgillii.
Guhkes mátkkálaš professor John Weinstock lei boahtán gitta USA:s Girjjálašvuođaguovddážii Kárášjohkii 08.09.16, gos son muitalii manin son lea jorgalan Matti Aikio eŋgelasgillii.
Professor
John Weinstock Austin universitehtas, Texasas lea jorgalan Aikio
girjjiid Eŋgelasgillii. Son ságastii ja muitalii manin son dán dagai.
Dál olaha Aikio viidát máilbmái. Ee. eamiálbmogiidda lea dál vejolaš lohkat Aikio girjjiid, logai Weinstock.
Fil. dr. Gunnar Hauk Gjengset guhte lea čállán Aikio biografiija logai Aikio 1920 -loguin oaivvildii sámegiella galgá oahpahuvvot vuosttasgiellan buot sámemánáide. Gjengset logai vaikko vel Aikio ieš dušše čálii dárogillii, de son dattege ovddidii sámi kultuvrra iežas girjjiid bokte.
Fil. dr. Gunnar Hauk Gjengset logai Aikios lei čielga sámevuohta su girjjálašvuođas.
Sámi Girjjálašvuođaguovddáš lei spaggadievva Matti Aikiosemináras čákčamánu 8.b. Badjelaš 50 olbmo ledje boahtán, ja ledje buohkat duhtavaččat.
Harald Gaski, Norgga Árktalaš universtehtas jođihii Aikioseminára Kárášjogas.
Matti Aikio sogalaš Else Isaksen Kárášjogas lei ilus ja čeavllis go Aikio viimmat dál lea jorgaluvvon eaŋgalsgillii.
Hjalmar Strømeng gii maid lea Aikio sogalaš muitalii su sohka ja gilli eai atnán Aikio nu árvvus.
Aikio
sogalaččat ja logaldallit: gurutravddas John Weinstock(logaldalli)
Marit Synnøve Hansdatter Olsen, Hjalmar Strømeng, Else M. Isaksen,
Evelyn Berglund, Harald Gaski (jođiheaddji), Astrid Valbor Soleng
Johnskareng, Elle Márgget Nystad, Ann Solveig Nystad, Gunnar Hauk
Gjengset (logaldalli)
Čállán ja govven: Amund Johnskareng
Ođasmahttán 16.09.2016
Almmuhan: Mihkku Solbakk
|
