ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Biro bálvaleaddjit vai olbmuid buorideaddjit?
 

Dološ govat ožžon ođđa fuomášumi
 

Girjealmmuheapmi Guovdageainnus
 


Máinnas biellorási birra

Biellorássi
Lei oktii Biellorássi mii vánahii beaivváža vuosttá ja návddašii daid liegga suotnjariid mat liggejedje su. Go arvvii de son divttii daid litna goaikkanasaid bassat iežas. Biellorássi oainnat liikui buotlágan dálkkiide.
 
Muhtin beaivve bieggagođii ja arvigođii. Biellorássi dovddai ahte muhtin nordadišgođii su. Dat lei huvlu. –Buorre beaivi, huvlu, rávkkai Biellorássi čábbát. –Ii go leat čáppa dálki? –Dan gal don sáhtát dadjat geas leat ruohttasat gitta eatnamis, vástidii huvlu. –Muhto mii smávva divrrážat bálkestuvvot duohkut deike,  ja arvi dahká soajáid nu lossadin ahte illá veadjit girdi.
 
Dalle Biellorássi sojahii lieđistis vulos nu ahte huvlu sáhtii čákŋalit sisa suodjalussii. Biellorássi vuhtodii čábbát biekkas nu ahte huvlu beasai nohkastit ja čohkket ođđa searaid.
 
Dan beaivve rájes lea Biellorássi sodjalan liđiidasas nu ahte smávvadivrrit sáhttet čákŋat sisa go lea arvedálki. Jos geahčat dárkilit, de oainnát ahte ii oktage divri njuoskka jos gávdná biellorási man sisa čákŋat arvedálkin.  
 
Árbevirolaš
 
 



Almmuhan: 15.06.2016
Almmuhan: Mihkku Solbakk