ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Biro bálvaleaddjit vai olbmuid buorideaddjit?
 

Dološ govat ožžon ođđa fuomášumi
 

Girjealmmuheapmi Guovdageainnus
 


Mánáidgirji Stáinnak ilbman

Marry Ailonieida Somby ja ČálliidLágádus almmuheigga mánáidgirjji Stáinnak duorastaga 28. b. cuoŋománus Girjjálašvuođaguovddážis Kárášjogas. Girječálli Marry A. Somby guoimmuhii Kárášjoga viđátluohkálaččaid ja čájáhalai girjjistis.
 
GUOIMMUHII:  Mánát ledje áŋgirit mielde go Marry A. Somby logai ja girjjistis Stáinnak.
 
40 Kárášjoga mánáidskuvlla mánát ledje boahtán girjeálmmuheapmái oahpásmuvvat ođđa girjjiin. Mánát čuvvo áŋgirit mielde čájálmasa lohkama, ja ledje eallasit fárus dakko gokko juo galge kommenteret. Girječálli dovddastii maŋŋá ahte ii mihkkige leat  somát go lihkostuvat čájáhallamiin.
- Lean olahan ulbmila, mánát ledje mielde, illudii Marry.

Stáinnak girji lea oaivvilduvvon stuorát mánáide. Dál doaivu čálli ahte skuvllat ja vánhemat áinnas oasttášedje girjji.
–Erenoamážit skuvllat sáhttet geavahit girjji, vaikko vel oahpahusas, árvalii Marry.

Girjealmmuheami oktavuođas lágidii ČálliidLágádus girječájálmasa Marry Ailonieidda 40 jagi girječállin. Su vuosttas girji Ámmul ja alit oarbmealli han ilmmai 1976:s.  Girječálli lea nuppelot girjji almmuhan dán áigodagas, eanaš mánáide ja nuoraide.
 
GIRJEČÁJÁHUS: ČálliidLágádus lágidii Marry. A. Somby girječájáhusa. Govas oassi Marry girjjiin.
 
 
Čállán: Amund Johnskareng
Govven: Jovnna Guttorm Solbakk



Ođasmahttán 29.04.2016
Almmuhan: Mihkku Solbakk