ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

Álgoálbmotgiellajagi ávvudeapmi
 

Álgoálbmotgiellajagi ávvudeapmi
Deanus bearjadaga 05.07.!

 

Sámis áiggis áigái
 


Guorga, lottiid gonagas.

Dáid áiggiid ihtigohtet bárbmolottit fas Sápmái. Sámi mytologiijas muitaluvvo ahte Guorga lei buot lottiid gonagas. Su bargu lei lohkat man galle bárbmolotti bohte Sápmái ja geahččat bearrái sin.
 

Guorggat Ájonjárggas Kárášjogas. Govven: Amund Johnskareng


Govva: Pawel Pawlak/Shutterstock
 
 
Guorgašládja (Grus grus) mii min lusa boahtá giđđat, orru dálvit Espánnjas ja joavdá Sápmái cuoŋománus. Dat boahtá davás go dáppe lea ráfi gihkat ja go dáppe gávdná ollu biepmu. Dat lállá guokte mani beassái maid lea dahkan jeaggeravdii.  Sihke varris ja njiŋŋálas lálliba maniid njealje vahku, ja čivggat guđđet beasi nu fargga go ohppet girdit.
 
Guorga lea stuoris, birrasii 115 cm. Das lea ránis ivdni dolggiin, ja guhkes juolggit ja guhkes čeabi. Oaivi lea čáhppat ja vielgat, ja oaiveasis lea varrásis rukses dielku. Dat loaktá buoremusat boaittobealde,  jekkiin ja vuvddiin. Guorggas lea guhkes, čohka njunni mainna čuoggu ja ohcá eatnamis divrriid, máđuid, cubbuid  ja murjjiid maid borrá. Borgemánus dat girdila ruovttoluotta Espánnjii fas.

Gáldu: fuglevennen.no/Norsk ornitologisk forening

Ođasmahttán 26.04.2016
Almmuhan: Mihkku Solbakk