ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

ÁMMUN CD: ”Jođus ain” ilbmá
 

Girješavga Guovdageainnus
 

Biergogáhkut, luođit ja divttat
 


Áŋgiruššan Girkonjárggas

Maŋŋebárgga ja gaskavahko (5.-6.4.16) lágidii Statped ja Sámi lohkanguovddáš seminára "Áŋgiruššan sámi mánáid ja nuoraid ovddas” Girkonjárggas. Seminára čohkkii badjel 90 oasseválddi. Maiddái ČálliidLágádus áŋgirušaid dáid doaluin iežaset ođđaseamos girjjiiguin.
 
 
Girkonjárgga skuvlla 2.luohká skuvllamánát juoiggastedje seminára rahpamis.
Govven: Hallgeir Henriksen, Ságat

Fágabeivviid oktavuođas ledje máŋga gelddolaš fáttá maid miellagiddevaččat logaldallit bukte ovdan. Okta sis lei Tove Lill Labahå Magga guhte logaldalai seminára bajilčállagiin mii lei "Áŋgiruššan sámi mánáid ja nuoraid ovddas”. Okta bealli mánáid áŋgiruššamis lei fal Mátta-Várjjat juoiganprošeakta. Dát duođaid čájehii ahte lea ávki áŋgiruššat mánáid ovddas. Dát mánát duođaid čájehedje man ávkkálaš ja dehálaš dákkár bargu ja prošeakta lea ovddidandihte sámi kultuvrra, ja mii lea mielde loktemin sámi kultuvrra árvvu.
 
 
Seminára lei čohkken sámi oahpaheaddjiid ja mánáidgárdebargiid miehtá Norgga.
Nugo lei vuordimis dákkár semináras, de lei oasseváldiin stuorámus beroštupmi lágádusa oahppogirjjiide, vaikko lágádusas ledje maid ođđaseamos čáppagirjjálašvuođa girjjit.



Ođasmahttán 08.04.2016
Almmuhan: Mihkku Solbakk