ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Biro bálvaleaddjit vai olbmuid buorideaddjit?
 

Dološ govat ožžon ođđa fuomášumi
 

Girjealmmuheapmi Guovdageainnus
 


Lei oktii muhtin sámenieida ...
Maren Uthauga ođđa girji lea ilbman. "Lei oktii muhtin sápmelaš". Girjjis son satiiralaččat čilge oanehaččat sámi historjjá.

Don leat várra gullan dien mielaheami birra gii galgá leat čohken Norgga oktan riikan? Čájehuvvui ahte ii han almmái lean nu gáiggas, Son han ráhkásmuvai sámeniidii.

Muhtin juovlaruohta lei Harald Vuoktafávru borramin juovlamállásiid go sápmelaš Svose bođii. Svose bovdii Haralda boahtit fitnat su goađis. Harald loahpas mieđihii, ja giittii bovedjumi ovddas. Go bođiiǵa goahtá, maid de oáidná Harald: ”Čábbaseamos nieida maid sáhtii oaidnit!”. Dieđsuge lei Svoses nieida gean namma lei Muohtaráfi. Muohtaráfi fálai Haraldii guvssi juhkosa. Fertii lean leamaš erenoamᚠbuorre viidni, go ovttain guvssiin anistuvai sámeniidii. Dáiddii Harald lean juo nallamin buvssaid go áhčči Svose bissehii gonagasa, ja gáibidii galggai vuos náitalit nieiddain ovdal go beasai himuidis dikšut. Harald mieđihii ja náitalii Muohtaráfiin. Muitaluvvui ahte son lei nu ráhkásmuvvan ahte guđii buot doaimmaidis ja riikkačohkkema. Soai oaččuiga njealje bártni.

De lei gal juovlabeavde-ávvudeapmi mas hoavda duođai beasihii.

Dien sáhtát lohkat Snorre Sturlason gonagasmuitalusaid girjjis, Harald Vuoktafávrru muitalus. Muhto, jos háliidat historjjálaš dáhpáhusaide oahpásmuvat suohttasat vuogi mielde god dan maid historjágirjjit fáluhit, de evttohan don geahčadat Maren Uthaug ođđaseamos ilbman girjji ”Lei oktii muhtin sápmelaš”. Unnit busstávaiguin váruhus: ”Measta áibbas duohta muitalus sámiid historjjás”. Dáinna girjjiin fuomášahttá satiirasárgu ja –čálli sámiid historjjá.



Ođasmahttán 09.12.2015
Almmuhan: Jovnna Solbakk