ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Vuonnamárkanat lihkostuvve
 

Lohkankoarttat skuvllaide
 

Sámis áiggis áigái
 


Ádjás lean oahppan
Mánnán ohppen ádjás olu.

Dá lean mun áddjá veahkeheamen. (Foto: John T. Solbakk)
 
Mánnán ohppen ádjás olu. Go áddjá lei meahcástallamin ja lei dárbu bániid geallat, bátnekusta ii lean niestelávkkas dábáleamos dávvir, de dajai munnje: "Suoskka soahkelasttaid”. Mun šuohkihin, ja gádden son lei dádjumin. Mun gal ovdal joatkkán mu doddjon bátnekusttain, jurddašin.

Go duođaid heahti bođii, de fertejin geahččalit. Čihkosis dieđusge. Máistta lei dego jeaggeluvvaduvvon suohkku (man gal dieđusge in leat bidjan njálbmái). Mun in leat manjit áiggis bátnedoaktárii muitalan dán, muhto doaimmaid dat goit.

Die lea okta ádjá rávvagiin maid mun ain muittán. Mu áddjá ja áhkku leigga boazodoallit ja dieđusge čadnon lundui. Ollu dan maid soai, ja mu boarraseamos eanu oahpahii munnje dalle, lei čáhcečielga olbmo birgenvuogit luonddus. Ii oro odne dárbu sin vásáhusaide. Ođđaáigge teknologiija orru buhttemin árbevirolaš máhtu.

"Jáhki Sámis" lea girji mi rahpá uvssa dán máhttui. Máhttu mii munnje lei lunddolaš oažžut go mu olbmot beroštedje das. Máhttu mii dagai ahte olbmot davvin lea sáhttán galbma guovllu dahkat iežaset ruoktun. Orru gal ahte ii leat olus atnu namahuvvon girjái odne, muhto de mun muittuhan alccen maid áddjá geahččalii bagadit. In mun lean nu boares dalle, ja in ge nu čeahppi guldalit. Ii han mus lean dárbu diekkár dieđuide. Maŋŋá lean mun ádden maid son ja su buolva dáhtolaččat leat viggan juogadit minguin, namalassii vásáhusaid mat sin leat seailluhan eallimis. Otná lean mun urbaniserejuvvon "buotdiehtti”, go mus han lea Wikipedia ja buot diet. Muhto mo de go ii gávdno mihkkige "wikis”? De livččii dárbu ealli leksikonii, diekkárii mii mu áddjá lei. 

Jus don aiddo dál čohkahalat dies snuolga njuniin, ja guorssat, de soaitá árbevirolaš máhttu beastit! Mii várra buohkat leat lohkan ja gullan olu dálkasiid birra mat leat nurvo vuostá. Ekspearttat gal eai jáhke dálkkasindustriija lohpádusaide. Duosttat go geahččalit dán ođđa-boares-manjmuš dálkasa:

Tableahtta ja jeaggil. Goappá válljet? (Shutterstock)
 
Oza veahá Sarvájeahkála, vuošša čázis moatte geardde. Dan maŋŋá bidjalat dasa veahá mielkki dahje  lávcca. Vuoššas dán sullii 10 minuvtta. De lea dus dálkkas!  Sarvájeagil lea han lea maid erenoamᚠgo das sáhttá maid láibbi láibut! Geahččal dan du čottabávččas tableahttan!

Jus jeagil-láibi ii oro njaddimin, de soaitá soahkebárko-láibi. Ii leat ge nu váttis. Aidna maid fertet dahkat lea givssidit soagi, de lea jáffu mainna sáhtát láibut garraláibbi dahje ráhkadit láibedáiggi. Jus muhtin livčče munnje 10 jagi áige fáluhan speltaláibbi ákkain ahte lea dološ vikingáigge jáffus láibon, de mun livččen eahpidan. Odne mun juohke iđit njuvddán alccen speltaláibbi.

 
Čálli: Jovnna Guttorm Solbakk


Ođasmahttán 04.12.2015
Almmuhan: Jovnna Solbakk