ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Biro bálvaleaddjit vai olbmuid buorideaddjit?
 

Dološ govat ožžon ođđa fuomášumi
 

Girjealmmuheapmi Guovdageainnus
 


Mii dáppe ráidu gárvvis skuvlajahkái 2015 ja 2016

Mii dáppe ... oahppogirjeráidu lea dál gárvvis davvisámegillii. Mii dáppe 1, 2 ja 3  gokčá 5.-7. cehkiid sámi oahppoplána máhttoulbmiliid servodatmáhtus ja geografiijas. Mii dáppe oahppogirjjit leat nuvttá skuvllaide ja daid fidne min neahttasiiddu bokte.


Bláđengirji Mii dáppe 2 Servodatmáhttu ja geaografiija 5.-7. cehkiide. Kapihttal 4 Politihkka - lea mielde


Oahppogirjeteavsttaid lea álki lohkat. Teakstahivvodat lea muttát. Govat ja illustrašuvnnat dorjot oahppogirjeteavstta. Amas sánit leat merkejuvvon sierra ivnniin ja čilgejuvvon ravddas. Juohke oassái lea loahpas čoahkkáigeassu dahje fáktástobe. Bargobihtát leat iešguđet dásis.
Lassi komponeanttaid bidjat min neahttasiidui: www.calliidlagadus.org/sf 

  • Bláđengirji-pdf
  • Oahpaheaddjibagadus
  • Kopiijaoriginálat
  • Jahkeplánaevttohus

Bláđengirji pdf hámis lea vuogas go oktasaš čađaheapmi ja geardduheapmi dáhpáhuvvá ceahkis. Oahpaheaddjibagadusas leat relevánta duogášdieđut oahpaheaddjái, vástádusat ja kommentárat bargobihtáide, fágadoahpagat maid oahppit berrejit oahppat ja máhttit fáttá olis, lassi metodalaš tipsat, lohkan-/filbmaevttohusat ja liŋkkat heivvolaš neahttabáikkiide. Mii leat dahkan kopiijaoriginálaid juohke fáddái. Daid sáhttá oahpaheaddji čálihit ja juohkit ohppiide. Jahkeplánaevttohus sáhttá doaibmat vuođđun báikkálaš jahkeplánaide.





Ođasmahttán 18.08.2015
Almmuhan: Mihkku Solbakk