ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

Sámegiella ráhkesvuođa giella
 
Ablemagic ja Lagadus
Sámis áiggis áigái jođus
 

Lihkku beaivái!
Læhkoeh biejjine!
Vuorbbe biejvijn!

 


Sámi girjjit Oslos ovtta báikkis
Rahpan lea maŋŋebárgga 26. b. dii 1500.

Sámi girjjálašvuođaguovddáš ovttas Eldorado girjegávppiin rahpet miessemánu 26. b. Sámi ossodaga Eldorado girjegávpái. Eldorado ja ođđa sámi ossodat lea Oslo guovddážis, čujuhus Torggata 9A.

Rabadettiin leat sadji sullii 80 grijetittelii, dain 30 mánáid- ja nuoraidgirjjit. Das leat olu sámegielat girjjit, ja maiddái dáro- ja eŋgelasgielat girjjit. Álggos lea 5  sámi lágádusa mielde, miellahtut SÁLASis, Sámi lágádus- ja aviisasearvi. SÁLAS máksá lágádusaid hildoláiggu.

Girjjálašvuođaguovddáža ásaheaddji ČálliidLágádus lea 2014 giđa rájes bargan áigumušain ásahit Osloi sámi girjjiide buorre čájehan- ja vuovdinbáikki. Maŋŋá go Kárášjogas rahppui Girjjálašvuođaguovddáš čakčat 2014 mas lea sierra sámi girjegávpi, de lea maiddái Oslo ásaheapmi ovdánan, Ja dál lea fargga sámi girjjiin báiki Oslos gos ovtta sajes sáhttá gávdnat sámi girjjiid. 

Rahpan lea maŋŋebárgga 26. b. dii 1500.


Oktavuođat
John T. Solbakk
ČálliidLágádus/Girjjálašvuođaguovddáš  
915 90 606

Jovnna Guttorm Solbakk
ČálliidLágádus/Girjjálašvuođaguovddáš 
952 74 156

Cathrine Almås
Eldorado bokhandel  
22 42 21 00

 


Govas Jovnna Guttorm Solbakk geahččamin Eldorado girjegávppi diibmá. Son galgá Sámi girjjálašvuođaguovddáža geahččalanáigodagas olggos 2016 ovdánahttit guovddáža girjevuovdima. Dasa gullá dieđusge maiddái oččodit sámi girjjiid oidnosii maiddái eará báikkiin go Girjjálašvuođaguovddáža girjegávppis Kárášjogas. Vuosttas lávki dasa lea soahpamuš mii lea dahkkon Eldorado girjegávppiin Oslos, gosa de rahppo sámi ossodat Oslo guovddážii.



Ođasmahttán 20.05.2015
Almmuhan: Mihkku Solbakk