ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

ÁMMUN CD: ”Jođus ain” ilbmá
 

Girješavga Guovdageainnus
 

Biergogáhkut, luođit ja divttat
 


Máilmmi girjebeaivi
Bija heivvolaš girjjiid oidnosiid bevddiid ala ruovttus. Loga ieš girjjiid.

Máinnasteapmi lea sámi árbevirolaš muitalanvuohki. Mánná geas čeahpes muitaleaddji bearrašis oažžu ođđa jurdagiid ja sániid dego golgi rávnnji mielde. Eai buohkain leat muitalan- ja máinnastanattáldagat. Buorre lea dalle ahte gávdnojit olbmot geat čállet muitalusaid ja máidnasiid.  Otne lea ge máilmmi girjebeaivi, ja dan olis mii muittuhit makkár ovdamunit leat das ahte lohkat girjjiid mánáide:

  • Mánná vásiha girjás giela ja oahppá ođđa sániid ja doahpagiid
  • Mánná gullá rivttes sojahemiid ja gehčosiid
  • Mánná dovdagoahtá dađis oanehis ja dábálaš sániid mat dávjá gullojit
  • Mánná beassá vásihit earáid jurdagiid ja eallinvugiid/eará áiggiid
  • Mánná oažžu láhka oktavuođa ja oktasašvuođadovddu váhnemiin/suinna gii lohká
  • Mánná hárjána oaidnit girjjiid, teavstta ja gullat ja čuovvut mielde
  • Mánná beassá spontánaloaččat ságastit áššiid birra maid lea lohkan/gullan


Ođasmahttán 24.04.2015
Almmuhan: Mihkku Solbakk