ČálliidLágádusa birra CL-Sámi academica GirjjálašvuođaguovddᚠOktavuohta
  Gálvoseahkka lea guorus
 

Tidsreise Sápmi
 

Mii ohcat mátta- ja davvisámi doaimmaheaddjiid
 

Beassáškrim
 


Ođđa girjjálašvuođa ásahus
Rahpan čakčamánu 26. b.

Sámediggi juolluda jahkásaččat badjel 6 million kruvnnu almmuhit sámegielat girjjiid. Mii leat ohcalan báikki mii oppalaččat čalmmustahtášii buot girjjiid maid sámi lágádusat almmuhit. Sámi girjjálašvuođaguovddᚠlea ođđa ásahus mii de galgá leat sihke girjjálašvuođa čájáhusbáikin ja diehtoguovddážin. Guovddážis lea erenoamᚠsámi girjegávpi, ja das galget leat fásta mánnosaš girjjálašvuođa dáhpáhusat ságastallamiiguin, digaštallamiiguin ja girjealmmuhemiiguin.

Girjegávpi
Guovddáža girjegávpi lea earálágan, go dat lea vuosttamužžan sámi girjjiid várás. Das galgá gávdnat girjjiid maid sámi lágádusat almmuhit. Girjjit leat ordnejuvvon hilduide lágádusaid mielde, ja vuoruhuvvon leat sámi lágádusat ja daid almmuheamit. Ráddjejuvvon sadji mearrida man olu eará lágádusaid girjjiid čáhkadat, muhto dattege dušše girjjiid  main lea čielga sámi fáddá, čállojuvvon omd. dárogillii.

Rahpat čakčamánu 26. b.
Guovddáža rahpat bearjadaga čakčamánu 26. b. dii 14.00. Báiki lea Kárášjoga guovddážis, 1. gearddis seamma dálus gos ČálliidLágádus lea, Narvesen kioskka bálddas. Rahpamis leat oanehis sáhkavuorut sámi girjjálašvuođa hástalusaid birra, girjealmmuheamit ja konsearta. Ja dieđusge beassá juo girjegávppis oaidnit ja oastit sámi lágádusaid almmuhemiid.

Eambbo dieđut:
915 90 606



Almmuhan: 10.09.2014
Almmuhan: Mihkku Solbakk