ČálliidLágádusa birra CL-Sámi academica Girjjálašvuođaguovddáš Oktavuohta
  Gálvoseahkka lea guorus
 

ÁMMUN CD: ”Jođus ain” ilbmá
 

Girješavga Guovdageainnus
 

Biergogáhkut, luođit ja divttat
 


Sámi dálááigge dokumentašuvdna almmuhuvvon


RÁMIS: Girječálli Jorunn Eikjok ja govvideaddji Ola Røe leigga duhtavaččat iežaska  girjeprošeavttain, girjeálmmuheamis 04.09 RDM- Sámiid Vuorká-Dávviriin Kárásjogas.

RDM-Sámiid Vuorká-Dávvirat ovttas ČálliidLágádusain leaba almmuhan Sámi dálááigge dokumentašuvdna govaiguin- ja teavttaiguin. Girji lea golmma gillii – davvisáme-, dáro- ja eŋgelasgillii.

Girjji namma lea Ovcci sámi áigegova, Ni samiske tidsbilder ja Sámi Images in Modern Times. Girjji čálli lea sosiálaantroploga ja kulturbuvttadeaddji Jorunn Eikjok,  govvejeaddji girjeprošeavttas lea Ola Røe.

Girjjis leat ovcci áigegova olles Sámis. Mii oahpásmuvvat girjás birrasiiguin ja kulturovdanbuktimiiguin otná sámi servodagain. Girjji lea ráhkaduvvon sámiid geahčastagas ja čalmmiiguin. Girjji vuođđun lea RDM-Sámiid Vuorká-Dávviriid dokumentašuvnna-prošeakta "Girjásvuohta ja kultuvra Sámis” mas rahppui čájáhus Kárášjogas giđđat 2011:s.

RDM-Sámiid Vuorkádávvirat geigii girjeálmmuheami oktavuođas girje skeaŋkka Áilin Nigá Máhtii- Mathis N. Eira. Girjjis son lea čilgen mo verddevuođa leat ealáskahttán mearrasámiin Smiervuonas Finnmárkkus.
 

SKEAŊKA: RDM-Sámiid Vuorkádávviriid diehtojuohkki- Anita Bjørneback geigii girjeskeaŋkka Áilin Nigá Máhtii- Mathis N. Eira. Son oasálastá girjjis ja gos čilge verddevuođa mearrasámiin.

Čálus ja govat: Amund Johnskareng



Almmuhan: 12.09.2013
Almmuhan: Mihkku Solbakk