Girjealmmuheapmi
ČálliidLagádus almmuha Mikael Svonni ođđa sátnegirji Gironis bearjadaga 15.03.

Lea vuosttas geardde goassege go stuorit davvisámegiela-ruoŧagiela sátnegirji addojuvvo olggos. Norgga ja Suoma bealde gal leat boahtan olggos stuorit davvisámegiela sátnegirjjit, main sámi sánit leat jorgaluvvon dáru- dahje suomagillii.

Svonni sátnegirjjis leat badjel 15 000 ohcansáni. Sátnegirjjis leat sihke árbevirolaš ja ođđa sámi sánit. Sámi-ruoŧa oasis leat muhtin sániide addojuvvon ovdamearkkat, got dat sáhttet geavahuvvot. Sátnegirjjis leat maiddá ruoŧagielsániin sojahangehčosat. Sátnegirji lea vuosttamužžan jurddašuvvon universitehta oahpahussii, muhto sáhttá maiddá geavahuvvot iežá oktavuođas.

Mikael Svonni lea sámi gielladiehtaga professor Romssa universitehtas 2008 rájes, ja lea maiddá leamaš sámi giela ja kultuvrra professor Ubmi universitehtas 2003-2008 ja dan ovdal universitehtalektor logi jagi.

Sátnegirjji almmuheapmi
Báiki: Hotell Arctic Eden, Gironis
Áigi: Bearjedaga 15.03, d. 17.30

Mikael Svonni: Davvisámegiela - ruoŧagiela, ruoŧagiela - davvisámegiela sátnegirji, Nordsamisk - svensk, svensk - nordsamisk ordbok.

ČálliidLágádus, Kárášjohka, ISBN 978-82-8263-122-8

Lasi dieđuid addá: Mikael Svonni, tel. +47 907 93 137,
dahje lágádushoavda John Trygve Solbakk, tel. + 47 915 90 606



Almmuhan: 04.03.2013
Almmuhan: Mihkku Solbakk