Vuovdá bures Guovdageainnus


Duhtavaš girjegávpi jođiheaddji  Ranveig Holmen Guovdageainnus. Vahkus vuvddii lagabui 100  “Amerihká breavat” girjji. Ámmun Johnskareng govven

Sámit bálvalusas Alaskas, “Amerihká breavat” girji dáidá vuvdot buoremusat dáid juovllaid Guovdageainnus.
 - Vahkus leat jođihan masá 100 girjji, muitala duhtavaš Guovdageainnu girjegávppi jođiheaddji Ranveig Holmen.

Holmen muitala ahte ii leat dábálaš dihto girji ná jođánit jávkkiha su girje gávppis, son goittot ii leat dan ovdal vásihan. 
  -Mun jáhkkán  girji oaččui buori márkanastima gilis go sihke NRK Sámi TV ja Lagašradio GLR:a ráhkadedje ášši sihke ovdal, ja girjji álmmuheami oktavuođas.

Guovdageaidnolaččaid juovlaskeaŋka
Guovdageainnu girjegávpi lei juo mannan vahkus vuovdán visot “Amerihká breavat” girjjiid maid sii ledje ožžon. Dán váhkus fas oaččui girjegávppi lána girjjiid, maid buot Guovdageaidnulaččat orrot  háliidemen juovlaskeaŋkan.



Almmuhan: 23.12.2009
Almmuhan: Mihkku Solbakk