Mij dáppe 3

98 Tjoahkkájgæsso – Aktan mij buoredip væráldav AN AN merkaj Aktidum Násjåvnå ja dat vuododuváj gålgådismáno 24. biejven jagen 1945. AN le værálda vijda organisásjåvnnå gånnå iene- musá værálda rijkajs li ájrrasa. AN galggá gæhttjat bærráj ja hieredit dáhpáduisájt duola degu ulmusjgåddemijt ja vieledimijt. AN sjiehtadallá ja tjåhkanaddá divna rijkaj oájvválattjaj. Aktan sij ásadi lágajt majt divna galggi tjuovvot. Dajna vuogijn sij de gæhttjali guláskuddat ja buoredit rijkaj álmmugij viessomdile. AN:an li moadda vuolleorgánisásjåvnå. Muhtema dajs li duola degu Ulmusjrievtes komitea, ILO-konvensjåvnnå nr. 169 ja Dálkájdakpanella. Ulmusjrievtesvuoda komitea gåhtså vaj ulmusjrievtesvuoda konven- sjåvnnå ja mánájkonvensjåvnnå tjuovoduvvaba. ILO-konvensjåvnnå nr. 169 gæhttjá bærráj ahte álggoálmmugij rievtesvuoda tjuovuduvvi. Dálkájdakpánella tjuovvu maŋen ja rápporteri AN-rijkajda gåktus dálkkerievdama vájkkudi værálda álmmugijda ja luonduj. Vuona rijka oajválattja li vielggen tjuovvot AN:a konvensjåvnåjt majt sij li dåkkidam (rátifiserim). NATO, WTO, OECD, EFTA, EEA ...divna dale da li rijkkagaskasasj ásadusá ma galggi aktan barggat vaj sij luvluj máhttet åvddedit rijkkagaskasasj aktanbargov duole degu suodjalim, ekonomija ja oasestibme. rijkkagaskasasj mij le rijkaj gasska