Mij dáppe 3

Værálda iemeálmmuga tjåhkanam Áltáj. Sij digástalli gåktus tjoavd- det hástalusájt ma gulluji divna iemeálmmugijda. Dakkár ásje máhtti liehket rievtesvuoda ednamijda ja tjátjálagájda jali giella ja åhpadus. 2013. Sámeráde logo. Iemeálmmuk le álmmuk mij le nav mælggadav årrum muhtem bájken ahte dat le åvddedam máhtov ja diedov gåktus bierggit ja viessot luondon mij le dan bájken. Væráldin gávnnuji iesjguhtik lágásj iemeálmmuga. Sij årru iejsguhtik guovlon væráldin ja dan diehti sijá viessom le moatten dáfon ållu sierralágásj. Huoman le sijájn iesjvuoge ma li vargga sæmmilágátja. Ållusa sijájs li koloniserima diehti vierttim gierddat gå gievrabu li sijáv fámoj stivrrim, nággim jåhtet ierit ietjasa sijdajs. Muhtema vas aj gierddam doarojt ja gåddålimijt. Rijkaj oajválattja oajvveldi ahte ednama li sijáj ja ahte sij máhtti dahkat daj gåk sij ietja sihti dahkat, váni gatjádihke iemeálmmugijs gej má ednam le. Dajna vuogijn ham de iemeálmmugij viessomvuoge ájttuji dajna gå ednama ma li sijáj bierggimvuoge vuodon biejssteduvvi. koloniserim gå ietjá ulmutja båhti ja válldi jali anon adnegåhti iehtjádij guovlojt, degu guovlo luvluj årrot sijáj ja ij iemeálmmugij gudi juo li guovlojn årrugoahtám oajvveldit jáhkket ahte nåv dat juoga le gatjádihke nåv vaj ij gatjáduvá viessomvuoge vuoge gåktus viessot