Mij dáppe 3

71 Narkotihka Narkotihka le garra gárramábnas. Dån le sihkkarijt gullam bágojt: amfetamin, ecstasy, hássja, heroin ja kokain. Divna dá ábnnasa li narkotihka ja da vájkkudi vuojŋamijda iesj guhtik láhkaj ja vaddi iesjguhtik lágásj gárramdåbdov. Muhtem narkohtika ábnnasijt ulmutja ruhpi njunje tjadá, iehtádijt sprøytåjn tjuoggiji ja iehtjádijt máhtti tablehtaj baktu njiellat jali suova baktu njammat. Narkotihka vaddá gárramdåbdov nav guhkev gå ábnas le rubmahin jali varán. Maŋŋáj sjaddá vájves ja nievres dåbddo ja dalloj de sjaddá miella ienebuv adnet anon. Ulmuttja ma álu adni narkotihkav, sij sjaddi nav vájbbasa ja ållusa vierttiji hiejttet skåvlåv jali bargov. Narkotihkalas ábnnasijt ij le loahpe vuobddet oasstet jali adnet anon Vuona rijkan. Ulmutja gudi adni anon narkotihka, sij vierttiji doalvvot dajt rijka sisi ållu suolev, jali oasstet sijás gudi dajt suolev fievrriji rijka sisi. Narkotihka le divras ja dan diehti vierttiji ållusa åtjudit allasisá rudájt vierredagoj baktu. Hássja le narkotihka mij dagáduvvá durkumijs ma sjaddi muhtem sjatton majt gåhttju cannabis. Dajt manná suovastit ja dassta de gárijduvvat gå suovasta. vuojŋamijda