Mij dáppe 3

69 Iehtjáda ållu luottanin tjamjmat, valla vuojnniv má mån ahte Erikin lij vájvve ja sån degu sávadi jus sån lij beri bessat juosik gáhtot. Linda vijor le maj aj nav. Sån giehttu iednes birra, gænna le nav alla virgge ja miellagiddevasj barggo, valla muhttijn juhká ieddnes ahte ij máhte bargguj vuolgget. Dalloj de viertti Linda sijdan årrot ja viehkedi iednes. Álkke le maj Lindás vuojnnet ahte iednes le juhkam. Dalloj le sujna nav vájvve. Ja ij ge sjatta buorep jus báhtja hárddi ja vájvedi gå vuojnni suv vájvev. Sidja li dal diehttelis árvvedam gåktus dille le vájku Linda iesj ij le sidjij giehttum åvvå majdik. Sån le viddjurijt giehttum dåssju munji. Le aj muv miela milta boasstot gå ietjáda hárddi ja vájvedi suv dajna ássjijn. Ij le dat mánáj vihke jus sijáj æjggáda juhki ilá ålov. Ållessjattuga juhki ilá ålov. Mån iv máhte dáddjadit mij le dajna nav suohtas. Jáhkáv ahte nuora ájádalli ienebuv jukaslisvuoda birra gå ållessjattuga. Vuojnnalin måj vas idet, gieres biejvvegirjje. Varresvuodadirekturáhtta.