Mij dáppe 3

68 Mijá biejvvegirjje Mijá le 13 jagák næjtsso. Sån tjállá biejvvegirjev juohkka biejve. Dánna máhtá låhkåt majt sån tjálij snjuktjamáno 8.biejve mij lij sådnåbiejvve: Iektu mij lijma Rávnná-siesá guosse. Sån dievdi 50 jage. Ussjol gå lik sån le nav vuoras. Sån le máj vuojnnet huoman nav nuorra. Makkár så lik mån lev gå mån sjattav 50 jage? Mån jáhkkiv ahte sjaddá ahkedis fæssta, valla dat ij lim huoman ahket. Iejvijiv ållo oarbbinbielijt ja vielljabielijt gejna iv lim vuojnnalam guhkes ájge ålluj. Ja de lij suohtas vas ságastit sijáj. Dåppen lij nav ållo njálga biebbmo ja ienemus ållessjatugijs juhken nav ållo vijnav. Iedne vuorro lij vuodjet bijlav sijddaj, nav ahte áhttje aj jugáj ållo vijnav. Sån sjaddá nav suohtas gå juhká vijnav. Subtsastallá suohttasijt ja mån ållu hehpaniv. Valla væráp lij Erik vielljabælláj. Suv áhtjje, Vuolli-iehke, jugáj nav ahte ållu vuoláduváj. Sjadda galla viehka suohtas gå vuoladuvvá ja hoallá tjavgga, ja de vil ållu dåssijt.