Mij dáppe 3

67 Adnen anon alkoholav ij dat vájkkuda dåssju rubmelasj varresvuohtaj. Valla máhttá aj garrasijt vájkkudit sosiálalattjat ja psykalattjat . Ulmutja gudi juhki álu ja badjelmærrásattjat ilá ållo alkoholav, gáriduvvi ja årrogåhti amás láhkáj ja dahki dakkár bargojt majt sij e luvlun sihtam barggat. Dat le vájvve ja låssåt dajda gudi sjaddi dav vásedit álu. Vuorbedisvuoda ja vierredago dáhpáduvvi huj álu daj lunna gudi li juhkam ilá ållo alkoholav. Dat le stuorra váttesvuohta sebrudahkaj ja ulmutjijda gudi sjaddi gierddat dakkárijt. Juohkka jage jábmi sullij 400 ulmutja Vuona rijkan dan diehti gå juhkam ilá ålov. Alkohola dahká ahte ulmutja gárijduvvi jali vuoladuvvi. Dalloj de máhtti da ulmutja barggat dagojt majt iejtán e luvluj sihtam dahkat. Álu mahttep mij ávijsajn låhkåt vierredagoj birra majt ulmutja li barggam gå sij li juhkam ilá ållo alkoholav.