Mij dáppe 3

60 Åhttse Lågå tjoahkkájgessusav sijdon 58 ja vássteda. 1. Mij le gierrot? 2. Tjielggi ma li dá bágo: heterofijlla, homofijlla ja bifijlla! 3. Gudi li rádna jali venaga? 4. Majt galggap vásstedit jus mij hásteduvvap sehkanit ássjida majda ietja ep sidá? Dahkke Åtsåda, dagá ja åhpa ienebuv 1. Lågå girjev Fastteshurvi (Vastessjævsják jali Vasteslurvvo) majt Jens Martin Mienna le tjállám. Davvi Girji almmudus 2005. Ságastallit dan birra makkár iesjdåbddo soajttá Vastessjævsjágin soajttá årrot ! 2. Dålen lij dábálasj ahte ieddne, áhttje ja máná ja soajtti vil áhko, ádjá, iege jali tjiehtje, goaske, muohtá, oarbbinbiele ja vielljabiele aktan årru. Dat lij sijá fámillja. Dálla mijá ájge le dábálasj ahte fámillja le ieddne, áhttje ja máná. Muht- tijn hiehpá ahte fámiljan le dåssju áhttje jali ieddne ja máná. Ja muhtem fámiljan soajtti årrot guokta iedne ja guokta áhtje ja máná. Gåktus jáhkkebit duohttá mánájt muhtem fámiljajn gå sij dåbddi ahte sijá fámilja ja vuohke aktan viessot ij le sæmmi árvvulasj gå ietjá fámiljaháme sebrudagán? Åtsådalle 1. Válljijit girjijt ja tevstajt ma giehttu álmmugij birra ma årru ietja guovlojn væráldin. Ságastallit dan birra gåktus sij viessu, ájádalli ja vásedi dáhpádusájt. BARGGOBIEHKE