Mij dáppe 3

59 Aktisasj rádnastallam Rádna jali venaga li sij gejda mij lijkkup, gejna mij álu avtastallap ja gev mij berustip. Rádna sjaddi ájnasappo maŋenagi gå sij stuorru. Buorre venaga aj dåhkkidi duv nav gåk dån vuojnnu ålgus, gåk dån gárvvuna ja majt dån lijkku barggat. Rádna li álu sæmmi vuorrasa ja vádtsi sæmmi skåvlån. Álu sij oassálassti sæmmi friddjaájggedåjmajda . Muhttijn dat manná nåv ahte rádna sihti duv sehkanit ássjijda majda dån iesj i sidá. Da soajtti liehket ássje degu suovastit dubáhkav, vájvedit unnebujt jali suoládit. Dalloj le de ájnas mierredit ahte jus nåv ássje gævvá , de galggá vásstedit ahte mån iv sidá. Gå máná båhti dan ahkáj jali álldari gånnå dån iesj le dálla, le dat dábálasj ahte muhtem venagvuoda nåhki ja de vas muhtem ådå venakvuoda álggi. friddjaájggedåjmadus bállotjiektjam, dánssam, lávlom jali tjuojggam unnebujt unnebuttja li sij gudi li unnebu gå mij