Mij dáppe 3

56 Aktisasj rádnastallam Le dat ájnas ahte dujna li rádna ja ahte dån i dåbdå dån le aktu. Ij le maj dat nav álkke jali gæhppat allasis oadtjot venagijt ja muhttijn má ulmusj iesj viertti årrot vehik dåjmalas ja åhtsåt venagijt. Hiehpá de sehkanit muhtem válasjtallama sebrudahkaj jali juokkir friddjaájge doajmaj. Duv álldarin gånnå dån le dálla, le má dat ájnas dåbddåt ahte dån gullu juokkir aktisasjvuohtaj. Buorre le máj dat gullat ahte iehtjáda le buorre mielan dunji. Dan diehti le dat ájnas mujttet ahte jus dån allasit aná buorre mielav, de sij aj adni buorre mielav dunji. Jus dån le dakkár gut álu bælkká, agev divuda iehtjádijt jali dån le iesjberustiddje, ij littja så de visses ahte venakvuohta guhkijt bissu. Duv venaga da li dábálattjat sæmmi klássan gå dån iesj jali dunnun li avtalágásj berustume jali dåj årrobihtte sæmmi årrombájkátjin. Buorre venak le sån gejna dån máhtá digástallat ja ságastallat Buorre venak le ållu buorre. Buorre venak bissu muv lagámussan ja jaskat muv jus mujna le vájvve. Buorre venak dat álu juogat. Buorre venaga, sij mierredi vuorrulakkoj. rádna venaga, ulmutja