Mij dáppe 3

54 Aktan viessom Aktanviessom le gå guokta ulmutja æjvvalibá, iehttsegoahteba goabbák guojmesa ja hálijdibá viessot aktan ja oadtjot mánájt. Dalloj de såj vállduba jali dahkaba aktanårroma såbadusáv. Duv æjgáda jali sujtara, såj libá akti æjvvalam ja mierredam viessot aktan ja oadtjot ja bajedit aktisasj mánájt. Diddja dal årrobit aktan. Ij le val álo álkke årrot avtamielulattja ja ájgás boahtet æjgádij, oahppáj ja vieljaj. Dat le val ållu dábálasj, dat aj. Muhten ulmutja válljij allasisá guojmev nuppet sjierves ja iehtjáda vas válljiji guojmev sæmmi sjierves gå sån iesj. Aktanårro gudi li sæmmi sjierves, sij aj hálijdi mánájt oadtjot ja såj de vierttiba mánáv ádopterit allasisá. Jus libá nissuna, de nubbe viertti juokkir goanstás láhkáj sjaddat iesselissan. Dáhpáduvvá má dat aj álu ahte ulmutja sirádi ja gávnni ådå guojmev gejna vállduji jali gejna såbadi aktan viessot. Máná oadtju «ådå» jali duodde oahppájt ja vieljajt. Muhtem ulmutja val farra válljiji viessot aktu. Sebrudagán le dábálasj ahte ulmuja válljiji allasisá viessomtjerdav mij sidjij buoremusát hiehpá. Dábálasj le dat álu ahte muhttijn sjaddi rijdo gå ulmutja galggi viessot aktan. Aktanviessom årrot aktan iehtjádij / fámiljaájrrasij guojmme viessomguojmme, gejna årru ja viessu aktan sjiervve nissun ja ålmmåj