Mij dáppe 3

53 Årrot homofijlla jali bifijlla dat le má sæmmi luondulasj duola degu vuopptabájnno. Váttesvuoda badjáni gå ietjá ulmutja ja sebrudak ij dåhkkida dale dav. Dan diehti muhtema e åvvå duosta dåbdåstit ahte sij li homofijla. Dat de máhttá sijá lunna vájkkudit huj låsså mielav. Ietjas bieles le dal má nåv ahte juohkkahasj galggá máhttet mielastuvvat nuppe ulmutji ja iehttset suv, homofijla ja bifijla aj. Dan diehti le má dat ájnas ahte mij dåhkkidip juohkka ulmutjav aktan suv dåbdoj, lehkus makkára da soajtti årrot. Ållu nuorajda le dat váttes almmudit ahte sujna li homofijlla jali bifijlla dåbdo dajna gå da ælla sæmmi dábálattja gå heterofijlla dåbdo. Máhtti da aj mannat moadda jage åvdås nuorra iesj le ållu sihkar makkár dåbddo sujna le. Homofijlla guovtes Rádde ij buole aktu