Mij dáppe 3

50 Pubertehtta Nuora e hálijda årrot aktu. Sij hálijdi avtastallat ietjá nuoraj ja dåbddåt ahte sij li degu oasse sijá juohkusis. Nuorravuodaájge mij åhtsåp ja gávnnap allasimme sajev nuorajjuohkusin. Sæmmi láhkáj le má nuorravuodaájge ja pubertehtaálldarin dakkár ájgge gå nuorra nav ruvva ietjájduvvá. Sån máhttá målssot nuorajuohkusav ja venagijt moatte bále dan ájge avta biejve máhttá sån dåbddåt sån le huj mánnálasj. Ietjá biejve vas sån dåbddåt sån le juo viehka ållessjattuk. Ja ij le má dat ietjádijda álkke diehtet ja árvvedit makkár dåbdo dujna li dalloj ja dalloj. Váttes má dat soajttá årrot, aktanviessom sijdan gå guláskuddam æjggádij jali huksij ij le álu ållu buorre. Gieresvuohta Álkke lij má dat ságastit Elinijn. I åvvå ussjolam man lik álkke lij. Lássi má sihtá såj Elinijn galga luvlujga buorebut oahpástuvvat. Valla vuostak boahtá gidájåhtem, mij le gå ællosáme Sis-Finn- márkos jåhti ælo maŋen nuortas jali alás merragáttijda. Lássi klássan li sij gietjas gænna li boahttsu. Ja boatsojsijdda le dal ruvva jåhttå- min. Duoddarij badjel galggi sij jåhtet boahttsuj ja bednagij. Sij galggi vuojedit ælov ållu sijvot gihtta dåk merragáddáj. Ja dasi má sij vierttiji gållådit måttijt biejvijt ja iájt. Lássi ussjudallá gåk lij så lik sjaddat jus Elin lij maŋen gå sij jåhti. Lássi lij gal máhttet tjåkkåhit Elina skoterin ja Lássi lij máhttet anedit suv gihtta vaj ij ravga. Ranne - mij le bednaga namma – dat lij gis máhttet tjåhkkåhit Elin asken gå sij vuodji. Lássi gæhttjá Elinij. Elin tjåhkkåj lahka vinndega ja gæhttjá ålgus. Gå jårkijt Lássi guovlluj degu dálla, de Lassi ij vuojnne suv árudijáv. venagij ålmmåj