Mij dáppe 3

46 Åhttse Lågå tjoahkkájgessusav sijdon 44 ja vássteda 1. Mij le media? 2. Majt giehttu media mijájda? 3. Majna vuogijn oasesmedia oadtju allasis rudájt? 4. Mij le reklábma? 5. Makkár ræjdojt adni reklábmadahkke gå sij dáhki reklámajt? 6. Mij dat dahka mijá lunna åvddågáttojt gåktus nissuna ja ålmmå galggi dåmadit? 7. Makkár væráldav dahki oasesmedia mijá lunna? 8. Gåktus máhttá mannat jus mij oasstep ilá ållo abnnasijt? Dahkke 1. Dagá reklámav muhtem gálvvuj majt dån luvluj ájggot vuobddet. 2. Usjudalá. Man láhkáj li rekláma vájkkudam duv adnemdábijt? Le gus oasstám juojddá danen gå reklábma vuosedij dav? 3. Válldit maŋen skåvllåj guhtiklágásj vahkkoblá- dijt ja ávijsajt. Tjåhkkidit aktan smávva juohku- sijda. Gehtja sijdon 32. a) Juohkkahasj biessket ålgus avtav reklámav avijsajs ja bládijs á) Gut le ulmmejuogos duon dán rekláman? Gåktus dij dav vuojnnebit? Digástallit. b) Mij le rekláma diehto? Digástallit. 4. a) Biesskedit ålgus unnemus gáktsa logo jali mærkkanamá ávijsajs jali bládijs. Lijmmijit dajt gihtta unna páhperbæhká tjijda. Nuppe bælláj páhperbæhkátjijda de tjállit makkár bukta dat le. Gehtja sijdon 33. á) Bidjit divna páhperbæhkátjijt bievde nali nåv vaj logo jali mærkkanamá li bajás. Gåttjut de muhtemijt giehttot makkár buktagis jali viddnudagás le sáhka. 5. Digástallit: Ållo rijkajn vierttiji oahppat adnet skåvllå- unifårmajt gå galggi skåvllåj. Dalloj li de divnajn sæmmilágásj biktasat ja ælla avtanik mærkkabiktasa. a) Mij le buorre gå li skåvllåunifårma? á) Mij ij le buorre skåvllåunifårmajn? 6. Tjåhkkidit aktan smávva juohkusijda. a) Nammadallit unnemusát gålmmå reklábma- viddnudagá majt dij mujttebit dalutjis gå lihpit gæhttjamTV:av jali årrum kinon. BARGGOBIEHKE