Mij dáppe 3

45 Gåktus oasesmedia gåvvidi sjiervverållajt Oasesmedia le sigen vaddemin midji åvddågáttojt mij gullu dasi gåktus nissuna ja ålmmå li. Gå media vuosedi ahte muhtem nissuna berusti makkár suv hábme jali bållå le, biktasijt ja vuojddasijt, de mij ussolip dát gåvvim guosská gájkka nissunijda. Dakkár åvddågátto ja gåvå «njáhki» mijá miela sisi ja mij de vuorddegoahtep ahte nåv galggin luvluj divna nissuna ålgolt vuojnnut, ájádallat ja dåjmadit. Media álu gåvvi ålmmåjt jali káránijt ahte sij li gievra, stuoraga, sån årru venagin jali væhkádallá nissunijt ja mánájt gå siján li váttesvuo- da. Dakkár gåvå de dehpudi mijá miellaj ja mij de álggep usjudallat ja vuorddet ahte divna ålmmå li dale dakkára. Gåktus oasesmedia vájkkudi mijá adnemvuogijda Oasesmedia dahki filmaj ja TV:a-rájdoj baktu muhtem niekoværáldav gånnå oajvverålla ja dåbdus ulmutja li tjáppe, vuohkasa, vuorbálattja, ådåájggásattja ja «coola». Reklábma-viddnudagá da bårddu jali tsåggi TV:a-sáddagij gaskaj reklámajt ma hiehpi ulmutjijda dan ulmme- juohkusin gudi li gæhttjamin jurra dav TV:a-rájdov jali filmav. Da gudi gæhttji, sij sihti diehttelis årrot sæmmilágátja gå filmmanáste ja sihti oasstet ábnnasijt, biktasijt ja ietjá buktagijt majt dale da adni anon. Ållusa tjuovvoli dakkár oasstem- ja adnemdábijt, valla dakkár vuohke máhttá de ålov mákset ja sjaddat ilá divrrasin. Muhtema adni anon åvvå ienep rudájt gå siján gávnnuhi, ja dajna vuogijn båhti stuorra vielgij vuolláj. Viddnodagá ma vuobddi, sij farra oadtju allasisá ållo rudáv. ålmmå kárána